Aha do Kuncina Asa Marlas ni Roha Keluarga?

ON MA DIDOK BIBEL

“Halak na manangihon hata ni Debata jala na mangulahon hata i do na marlas ni roha!”—Lukas 11:28.

AHA DO MANFAATNA TU HAMU?

On ma dapotmuna molo diihutton hamu poda ni Bibel i:

Marsihaholongan ma suami dohot istri.​—Epesus 5:28, 29.

Diargai istri ma suamina.​—Epesus 5:33.

Dame ma keluarga jala marsada ni roha.​—Markus 10:6-9.

BOASA BOI TAHAPORSEAI NA DIDOK BIBEL?

Adong dua alasanna:

• Debata do na mambentuk keluarga na parjolo na di Taman Eden. Bibel mandok, Debata do na mambahen bawa dohot borua na parjolo i marsada gabe suami istri. (1 Musa 2:18-24) Alani i ma boi tadok, Jahowa do na mambahen pengaturan na parjolo tu keluarga. Penting do on taboto.

  Bayakkon ma: Molo diallang hamu sipanganon na tabo jala naeng diboto hamu aha bumbuna, tu ise do sukkunonmuna? Pasti tu halak na mangaloppa i do.

  Dos songon i ma, molo naeng diboto hamu aha na mambahen marlas ni roha keluarga, ikkon sukkunonmuna do Jahowa. Ai Ibana do na parjolo sahali mambahen pengaturan tu keluarga.

• Holong do roha ni Jahowa jala dipardulihon do hamu. Godang do petunjuk dilehon Debata di Bibel na boi mangurupi keluarga asa marlas ni roha. Ai dipikkirhon jala “diparrohahon” Ibana do hamu. (1 Petrus 5:6, 7) Diboto Jahowa do aha na dumenggan tu hita jala sude podana i parohon na denggan do tu ngolutta!​—Poda 3:5, 6; Jesaya 48:17, 18.