Kata Pengantar tu Bagian 9

Di bagian on, taparsiajari ma taringot akka na poso, akka nabi, dohot akka raja na togu haporseaonna tu Jahowa. Di Siria, adong sahalak borua sian Israel. Dakdanak dope ibana, alai porsea do ibana boi do dipamalum nabi ni Jahowa si Naaman. Pos do roha ni nabi Elisa na sai jagaon ni Jahowa nasida sian akka tentara na jahat. Barani do Sintua ni Malim Jehoyada manabunihon si Jehoas sian oppung boruna na jahat, i ma si Atalia. Porsea do si Hiskia na lindungan ni Jahowa Jerusalem, jala dang mabiar ibana tu ancaman ni halak Assur. Dihancurhon Raja Josia do akka patung, dipadenggan bagas joro, jala diurupi ibana do halak Israel asa manomba Jahowa muse.