PELAJARAN 56
Toktong ma Marsada dohot Akka Dongan di Huria
Tikki rap hita dohot akka dongan sahaporseaon, pasti sarupa do perasaanta songon Raja Daud na mandok, “Tung denggan jala massai uli do molo rap tinggal akka na marhaha maranggi jala marsada ni roha!” (Psalmen 133:1) Alai dang pittor boi hita gabe marsada dohot akka dongan di huria. Ikkon berusaha do hita masing-masing lao mampartahatton i.
1. Aha do na istimewa sian akka naposo ni Debata?
Tikki ro hamu marpungu di tempat na asing, olo do ra dang diattusi hamu bahasa ni nasida. Alai pasti boi do dihilala hamu na dihaholongi nasida do hamu. Boasa? Alana manang didia pe hita tinggal, sude do hita “manjou goar ni Jahowa jala marsada lao manomba Ibana”. (Sepania 3:9) Sarupa do publikasi na tapakke lao mamparsiajari Bibel. Jala sude do hita berusaha asa boi marsihaholongan.
2. Aha do na boi diulahon hamu asa torus marsada dohot akka dongan?
Bibel mandok, “Marsihaholongan ma hamu sian nasa roha.” (1 Petrus 1:22) Boha do carana menerappon ayat on? Unang ma holan kelemahan manang hahurangan ni donganta na sai taida, alai taida ma akka na denggan sian nasida. Jala unang ma hita mardongan holan tu akka halak na sarupa manang na cocok tu hita. Alai berusaha ma hita mardongan tu akka halak na berbeda sian hita. Asing ni i, ikkon berusaha do hita asa unang tabeda-bedahon halak.—Jaha 1 Petrus 2:17.a
3. Molo adong masalahmuna tu dongan sahaporseaon, aha do na ikkon diulahon hamu?
Nang pe marsada naposo ni Jahowa, alai dang sempurna dope hita. Jadi olo do sipata tabahen haccit roha ni donganta, manang haccit rohatta dibahen nasida. Alani i didok Bibel do tu hita, “Rade ma hamu manalpuhon hasalaan ni nasida. Songon Jahowa na rade manalpuhon hasalaanmuna, songon i ma ulahon hamu.” (Jaha Kolosse 3:13.) Nang pe sering tabahen haccit roha ni Jahowa, alai olo do Ibana mengampuni hita. Alani i, dipangido Ibana do asa olo hita memaafhon donganta. Jala molo diboto hamu nungnga haccit roha ni donganta dibahen hamu, berusaha ma hamu pasaehon masalah i.—Jaha Mateus 5:23, 24.b
ASA LAM TAATTUSI
Taida ma aha na boi diulahon hamu asa boi torus marsada jala mardame dohot akka dongan di huria.
Boha do carana asa boi hamu mardame?
4. Unang ma tabeda-bedahon halak
Lomo do rohatta makkaholongi sude donganta. Alai olo do ra maol tahilala mardongan tu halak na berbeda sian hita. Boha do carana asa unang songon i be hita? Jaha Ulaon ni Apostel 10:34, 35, dung i bahas ma sukkun-sukkun on:
Dihaholongi Jahowa do sude naposona na sian marragam bangso. Molo ditiru hamu do Jahowa, ikkon boha do perasaanmuna tu akka dongan na berbeda sian hamu?
Kebiasaan aha do na diulahon halak di daerahmuna na patuduhon dibeda-bedahon nasida do halak? Boasa dang boi tatiru sikap na songon i?
Jaha 2 Korint 6:11-13, dung i bahas ma sukkun-sukkun on:
Menurut hamu, boha do carana asa jonok hubungatta tu akka dongan na berbeda sian hita?
5. Rade ma manalpuhon hasalaan jala mardame
Sai rade do Jahowa mengampuni hita, nang pe dang hea Jahowa mambahen na sala tu hita. Jaha Psalmen 86:5, dung i bahas ma sukkun-sukkun on:
Piga hali do Jahowa olo mengampuni hita?
Boha do perasaanmuna ala olo Jahowa mengampuni hamu?
Situasi aha do na mambahen hita maol mardame dohot akka donganta?
Boha do caratta maniru Jahowa jala torus marsada dohot akka donganta? Jaha Poda 19:11, dung i bahas ma sukkun-sukkun on:
Molo haccit rohamuna dibahen sahalak dongan, aha ma na boi diulahon hamu asa tetap denggan hubunganmuna tu ibana?
Sipata, hita pe olo do mambahen haccit roha ni donganta. Molo songon i na terjadi, aha do na ikkon taulahon? Putar ma VIDEO, dung i bahas ma sukkun-sukkun on:
Aha do na diulahon donganta di video i asa boi mardame tu donganna?
6. Ida ma na denggan sian akka donganmuna
Ala sering hita berurusan tu akka donganta, gabe taboto ma akka sifat ni nasida na denggan dohot na so denggan. Attong, boha do carana asa akka na denggan i na taida sian nasida? Putar ma VIDEO, dung i bahas ma sukkun-sukkun on:
Boha do carana asa boi diida hamu akka na denggan sian donganmuna?
Akka na denggan do na diida Jahowa sian hita. Jaha 2 Kronika 16:9a, dung i bahas ma sukkun-sukkun on:
Boha do perasaanmuna ala akka na denggan i do na diida Jahowa sian hamu?
Sai adong do cacat ni sada berlian, alai tetap do i berharga. Dos songon i ma, nang pe adong hahurangan ni akka donganta, alai tetap do nasida mararga di Jahowa
ADONG DO NA MANDOK: “Ikkon parjolo do halak minta maaf tu au, baru pe olo au memaafhon ibana.”
Boasa ikkon berusaha hita memaafhon donganta?
KESIMPULAN
Molo olo hita memaafhon jala makkaholongi sude donganta, boi ma hita torus marsada dohot nasida.
Tinjauan
Boha do carana asa unang dibeda-bedahon hamu halak?
Molo adong masalahmuna tu dongan sahaporseaon, aha do na ikkon diulahon hamu?
Lomo do rohamuna maniru Jahowa na olo manalpuhon hasalaan? Boasa?
LULUI MA
Ida ma songon dia perumpamaan ni Jesus mangurupi hita asa unang manguhumi akka donganta.
Porlu do hita minta maaf nang pe tahilala dang sala hita?
“Porlu do Minta Maaf Asa Boi Mardame” (Joujou Paboahon, 1 November 2002)
Aha do na diulahon piga-piga halak asa dang paimbar-imbarhon halak?
Molo adong masalahmuna tu sasahalak, aha do na ikkon diulahon hamu asa dang gabe rarat masalahmuna i tu sude dongan di huria?
“Pasaehon Parsalisian Marhite Holong” (Joujou Paboahon, Mei 2016)
a Taida ma di Lampiran 6, molo holong rohatta tu akka dongan, boha do carana asa unang sappe bali sahitta tu nasida.
b Taida ma di Lampiran 7, aha do na ikkon taulahon molo adong masalah bisnis dohot masalah hukum tu donganta.