Godang do Halak na Marsak jala Susa di Taon 2023​—Aha do na Didok Bibel Taringot i?

Saleleng taon 2023, godang do akka peristiwa naung masa di liat portibi on na mambuktihon molo hita mangolu “di ari parpudi”. (2 Timoteus 3:1) Sasittongna nungnga dipaboa hian di Bibel na ikkon masa i di tikkitta on. Saonari taida ma jo piga-piga contohna.

Na didok Bibel dohot na terjadi di liat portibi on

“Soara ni na marporang dohot barita taringot tu akka parporangan.”​—Mateus 24:6.

• “Terjadi do akka porang dohot konflik kekerasan di godang inganan di liat portibi on.”a

“Gempa . . . di godang inganan.”​—Markus 13:8.

• “Sian awal taon 2023, adong do 13 gempa bumi berkekuatan 7 magnitudo di liat portibi on. On ma angka tertinggi na hea dilaporhon.”b

“Akka na parohon biar.”​—Lukas 21:11.

• “Memang saleleng on nungnga panas hian cuaca, alai saonari luar biasa do panas ni cuaca.”​—António Guterres, Sekretaris-Jenderal PBB.c

“Haraparon.”​—Mateus 24:7.

• “Saleleng taon 2023, lam tamba do maolna mangalului sipanganon.”d

“Tikki hasusaan di ari parpudi.”​—2 Timoteus 3:1.

• “Di liat portibi on, adong do sada sian ualu halak na mengalami gangguan kesehatan mental.”e

Aha dope na lao masa di taon 2024?

Memang dang adong na mamboto aha na lao masa di taon 2024. Alai sude peristiwa i patuduhon, mamaretta nama Harajaon ni Debata di tano on lao manggattihon pamarettaon ni jolma. Holan Harajaon ni Debata do na boi pasaehon sude masalah dohot hasusaan na tahilala.​—Daniel 2:44; Pangungkapon 21:4.

Alai molo marsak jala susa tahilala saonari, tapangido ma bantuan ni Debata. Didok di Bibel:

“Tikki mabiar au, pos do rohakku tu Ho.”​—Psalmen 56:3.

Songon dia do hita patuduhon na pos rohatta tu Debata? Di Bibel, nungnga didok Debata dang na lao adong be hasusaan haduan. Las do rohanami paboahon taringot i tu hamu. Coba hamu ma kursus marsiajar Bibel gratis asa boi hamu dohot keluargamuna mandapot manfaat sian akka janji ni Debata na dipaboa di Bibel.