Banjir na Massai Parah—Aha do na Didok Bibel Taringot i?

Di liat portibi on, godang do halak na gabe susa alani banjir na massai parah. Taida ma akka laporan on:

• “Di antara ari Sabtu sahat tu ari Rabu, sappe 744,8 milimeter ma curah hujan di ibu kota negara Cina . . . On ma udan na undoras na hea dilaporhon saleleng 140 taon on.”—AP News, 2 Agustus 2023.

• “Di ari na paduahon terjadi Topan Khanun di bagian selatan ni Jepang, i ma di ari Kamis, adong do dua halak na dilaporhon mate. Alani topan on, ro do udan na massai doras dohot alogo na massai gogo . . . Jala diperkirahon boi do sappe 0,6 meter curah hujan di pegunungan Taiwan bagian tengah.”—Deutsche Welle, 3 Agustus 2023.

• “Di akhir pekan on, terjadi do banjir na massai parah di [Nova Scotia]. Terjadi pe banjir on ala ro do udan na massai doras di wilayah Kanada bagian timur. Menurut laporan, on ma udan na undoras disi saleleng 50 taon on.”—BBC News, 24 Juli 2023.

Aha do na didok Bibel taringot akka na masa on?

Tanda ni “ari parpudi”

Sian Bibel taboto ma nungnga mangolu di “ari parpudi” hita. (2 Timoteus 3:1) Jala songon na hea didok Jesus, lao masa do “akka na parohon biar” di panutup ni jaman on. (Lukas 21:11) Nungnga terjadi be i saonari. Alani perubahan cuaca gabe lam sering ma terjadi bencana alam na parah jala na maol diprediksi.

Harapan na dijanjihon Debata

Menurut Bibel sude peristiwa buruk na terjadi saonari on patuduhon, na lao denggan nama situasi ni portibi on satokkin nai. Alana nungnga didok Jesus hian, “Molo diida hamu masa sudena i, botoonmuna ma nungnga jonok Harajaon ni Debata.”—Lukas 21:31; Mateus 24:3.

Akka peristiwa on patuduhon na lao mamaretta nama Harajaon ni Debata di tano on. Marhite Harajaonna i ma padengganonna tano on, termasuk ma mengendalihon kekuatan alam, songon siklus air.—Job 36:27, 28; Psalmen 107:29.

Molo naeng botoonmuna songon dia Harajaon ni Debata lao padenggatton kondisi ni tano on, jaha ma artikel “Siapa yang Akan Menyelamatkan Bumi?”