Na lao Terjadi do Porang Dunia Muse?​—Aha do na Didok Bibel Taringot i?

Saleleng 30 taon na parpudi on, godang do halak marpikkir nungnga lam denggan be hubungan ni akka negara di liat portibi on. Alai akka peristiwa na terjadi baru-baru on patuduhon, dang benar-benar dame dope keadaan ni portibi on.

• “Marporang do Israel dohot Hizbullah di perbatasan Lebanon. On boi do mambahen porang na di Gaza gabe lam parah jala berdampak tu akka negara sekitarna.”—Reuters, 6 Januari 2024.

• “Diserang negara Iran do piga-piga wilayah jala saonari dibahen nasida do senjata nuklir. Dang holan i, bersekutu do muse nasida tu Rusia dohot Cina, gabe ancaman ma i tu akka negara barat.”—The New York Times, 7 Januari 2024.

• “Torus do diserang Rusia negara Ukraina, jala i mambahen hancur akka inganan di Ukraina.”—UN News, 11 Januari 2024.

• “Lam meningkat do ekonomi dohot kekuatan militer ni Cina. Asing ni i, lam meningkat do semangat nasionalisme ni Taiwan. Hubungan ni Cina dohot Amerika pe lam so denggan do. Sudena i boi do mambahen terjadi konflik manang sadihari pe.”—The Japan Times, 9 Januari 2024.

Nungnga dipaboa hian di Bibel taringot situasi na torus muba-uba on? Na lao terjadi do muse porang dunia?

Nungnga dipaboa hian di Bibel akka peristiwa na masa saonari

Dang adong dipaboa di Bibel secara spesifik di akka negara dia lao terjadi porang. Alai na didok di Bibel, lao terjadi do porang di godang inganan, na boi “mambuat hadameon sian tano on”.—Pangungkapon 6:4.

Nungnga dipaboa hian di bukku Daniel, saling menyerang ma akka kuasa dunia “di tikki ari parpudi”. Alana marlumba do nasida naeng gabe parhuaso na umgogo. Jadi gabe habis do godang hepeng ni nasida asa boi lam kuat pasukan militer ni nasida.—Daniel 11:40, 42, 43.

Porang na lao masa

Didok di Bibel pasti denggan do haduan keadaan ni portibi on. Alai sebelum masa i, jolo terjadi do akka peristiwa na mambahen hita susa. Nungnga didok Jesus hian, “masa ma di tikki i hasusaan bolon na so hea dope masa sian mulai adong portibi on sahat tu saonari”. (Mateus 24:21) Di ujung ni “hasusaan bolon”, masa ma porang Armagedon na digoari “porang di ari na balga, i ma ari ni Debata Pargogo na So Hatudosan i”.—Pangungkapon 16:14, 16.

Alai porang Armagedon i, dang na lao manghancurhon portibi on, justru lao menyelamatton jolma do. Marhite porang i ma Debata manghancurhon pamarettaon ni jolma, na mambahen terjadi godang porang. Asa diboto hamu boasa didok Armagedon i parohon hadameon, jaha ma akka artikel on:

• “Aha do Porang Armagedon i?”

• “Armagedon Sada Barita na Uli tu Hita!”