PARSIAJARAN 11

Patuduhon Semangat

Rom 12:11

NA INGKON DIULAHON: Semangat ma hamu mangkatai asa boi angka na mambege mangulahon poda na dipasahat hamu.

Ingkon jolo hona do hatorangan i tu rohamuna. Tingki persiapan, pingkirhon ma boasa ringkot hatorangan i dipasahat. Parsiajari ma hatorangan i asa boi denggan dipasahat hamu.
Pingkirhon ma angka na mambege. Rimangi ma aha do laba ni hatorangan i tu angka na mambege. Pingkirhon ma boha carana asa tangkas diboto nasida laba ni hatorangan i.
Semangat ma hamu tingki pasahathon bagianmuna. Semangat ma hamu mangkatai. Patudu ma pangkilalaanmuna sian gerak dohot bohimuna.

Unang ma pajotjothu dibahen hamu ekspresi gerak na sarupa, asa unang gabe targanggu angka na mambege. Jadi, bahen ma ekspresi gerak na hombar tu hatoranganmuna. Ingkon semangat do hamu tarlumobi tingki paboahon pokok utama dohot tingki manjujui nasida asa mangulahon i. Alai unang ma pasemangathu, asa tongtong olo nasida manangihon.