18 Ndɛ ng’ɔ fata kɛ amun kan kle Zida famiɛn m’ɔ sunmannin amun kɛ amun wa usa Zoova i sa’n yɛ. Amun se i kɛ: “Ndɛ nga a tili’n i su ndɛ nga Zoova m’ɔ ti Izraɛli Ɲanmiɛn’n kan’n yɛ: 19 ‘Kɛ a tili lika nga nin i nunfuɛ’m be wun ndɛ nga n kannin’n, a sɔli nun klanman, a kannin ɔ wun ase+ Zoova ɲrun. Afin n seli kɛ ń bó be sannzan, yɛ sa ng’ɔ́ ɲán be’n ti’n sran’m be nuan bó be wun. Kɛ a tili ndɛ sɔ’n, a titili ɔ wun tralɛ’m be nun,+ yɛ a sunnin min ɲrun. I sɔ’n ti’n, n kusu n sieli min su ɔ nuan bo, ndɛ nga Zoova kan’n yɛ ɔ o lɛ-ɔ.

13 Ɔ srɛli Ɲanmiɛn lele. Srɛlɛ ng’ɔ srɛli’n ti’n, ɔ yoli Ɲanmiɛn i annvɔ. Ɔ sieli i su tili kpatalɛ ng’ɔ kpɛtɛli i’n. Yɛ ɔ fɛ i sɛli i sin Zerizalɛmun lɔ, ɔ fɛ i trannin i famiɛn bia’n su ekun.+ I lɛ’n nun yɛ Manase wa wunnin i kɛ kannzu Zoova yɛ ɔ ti Ɲanmiɛn Kpli’n niɔn.+

24 Afin kɛ ɲrɛnnɛnfuɛ’n wún i ɲrun’n, i sɔ’n w’a yomɛn i tɛ, yɛ w’a yomɛn i finfin.+

W’a fɛmɛn i ɲrun’n w’a fiɛmɛn i wun.+

Kɛ ɔ kpan flɛli i kɛ ɔ ukɛ i’n, ɔ tili.+

22 Sanngɛ siɛ’n seli i junman difuɛ mun kɛ: ‘Amun wɔ ndɛndɛ ko fa tralɛ tɛnndɛn kun. Amun fɛ i kpafuɛ’n wlɛ i wun. Kpɛkun amun fa be sa mma ti nga kun wlɛ i sa, naan amun fa ngbabua wlɛ i ja. 23 Amun fa nannin nga w’a lo kpa’n, be bla wie. Amun kun i naan e fa di cɛn. 24 Afin min wa yasua nga wuli, sanngɛ w’a ɲan nguan ekun.+ Ɔ mlinnin, sanngɛ m’an wun i.’ Yɛ be boli cɛn dilɛ bo-ɔ.

13 Sanngɛ lapo defuɛ’n i liɛ’n, ɔ jrannin mmua lɔ. Ɔ kunndɛman kɛ ɔ́ mɛ́n i ɲin su nían nglo lɔ bɔbɔ. Ɔ finfin i wue’n nun, ɔ se kɛ: ‘Ee Ɲanmiɛn, yo min ye,* n ti sa tɛ yofuɛ.’+ 14 Nanwlɛ, ń kán klé amun kɛ, kɛ bian sɔ’n sɛ́ i sin kɔ́ i awlo lɛ’n, Ɲanmiɛn bu i sran kpa tra Farizifuɛ’n.+ Afin sran kwlaa ng’ɔ yo i wun dandan’n, bé gúɛ i ɲin ase, sanngɛ sran ng’ɔ kɛn i wun ase’n, bé mɛ́n i su.”+