Le mɔcuɛ m’ɔ bo i bo Zanvie i le 24 i siesielɛ
LE MƆCUƐ M’Ɔ BO I BO ZANVIE I LE 24
Jue 53 yɛ srɛlɛ
□ Asɔnun’n i Biblu’n nun like suanlɛ:
Sp like suanlɛ 6, bue 21-22 (Min 25)
□ Ɲanmiɛn junman dilɛ suklu:
Biblu’n nun kannganlɛ: Ɛsdras 6-10 (Min 10)
No. 1: Ɛsdras 7:1-17 (Nán maan ɔ tra miniti 4)
No. 2: ?Wafa sɛ yɛ Zezi kleli kɛ ɔ nin Famiɛn dilɛ fata ɔ? (Min 5)
No. 3: ?Zezi Klist ti Ɲanmiɛn Kpli?—rs-F bue 205 § 2-3 (Min 5)
□ Junman dilɛ aɲia:
Min 5: Jasin mun. Bo fluwa nga é fá mán sran mun Fevrie anglo nun’n, i su. Kpɛkun maan be yi i fa manlɛ’n i nun kun nglo.
Min 20: “Awlobofuɛ’m be ukalɛ like ɔ.”—Akpasua 1. (Ndɛ kpɔlɛ 1-6 ɔ nin kuku ng’ɔ o i bue 6 su’n yɛ ɔ fata kɛ be suan nun like ɔ.) Kosan usalɛ nin i su tɛlɛ. Se aniaan mun kɛ cɛn nga be nin be awlobofuɛ’m bé súan Biblu’n nun like awlo lɔ’n, maan be fa ajalɛ nga be o i bue 6 su’n be nun wie’m be su be nian. Naan le mɔcuɛ ng’ɔ́ bá lɛ’n, kɛ é wíe ndɛ akpasua nga i nun like’n súan’n, b’a kan wafa nga i sɔ’n ukali be awlobofuɛ mun’n i ndɛ.
Min 10: Maan e siesie e wun naan Fevrie nun’n, e fa periodiki mun e man. Ijɔlɛ nin nzrafuɛ’m be kosan usalɛ. Fa miniti kun annzɛ nɲɔn bo fluwa’m be nun ndɛ’m be su. I sin’n, fa ɔ ɲin sie ndɛ akpasua nɲɔn annzɛ nsan su, yɛ usa nzrafuɛ mun naan fluwa’n i fa manlɛ nun’n, be kle kosan nga be kwla usa’n, ɔ nin Biblu’n nun ndɛ mma nga be kwla kanngan nun’n. Maan be yi wafa nga be kwla fa fluwa’m be man’n, i nglo kunngunngun.
Jue 32 yɛ srɛlɛ