Le mɔcuɛ m’ɔ bo i bo Utu i le 29 i siesielɛ

LE MƆCUƐ M’Ɔ BO I BO UTU I LE 29

Jue 33 yɛ srɛlɛ

□ Asɔnun’n i Biblu’n nun like suanlɛ:

fy ndɛ tre 5 § 18-23 (Min. 25)

□ Ɲanmiɛn junman dilɛ suklu:

Biblu’n nun kannganlɛ: Jue Mun 110–118 (Min. 10)

Ɲanmiɛn junman dilɛ suklu’n i nun flanlɛ (Min. 20)

□ Junman dilɛ aɲia:

Jue 128

Min 10: Jasin mun. Wafa nga e kwla fa ajalɛ nga ɔ o fluwa nga i bue 8 nun’n, e bo sran’m be Biblu’n nun like klelɛ bo’n, maan be yi i nglo. Wla aniaan’m be fanngan kɛ be kwlaa be di junman sɔ’n. Bo ijɔlɛ nga su: “Maan e fa periodiki ng’ɔ o e sa nun w’a cɛ’n annzɛ fluwa pɛplɛɛplɛ wafa kun ng’ɔ o e sa nun’n, e man sran nga ndɛ’n yo i fɛ’n.”

Min 15: Kannzɛ b’a yo kpɛnngbɛn sɛ o, sanngɛ be te yo yakpa. Ijɔlɛ nin nzrafuɛ’m be kosan usalɛ. Ɔ taka Annuaire 2011, bue 61 § 1-2, bue 67 § 1, yɛ bue 135 § 2 —bue 136 § 1, su. Afɔtuɛ nga ndɛ sɔ’m be man nzrafuɛ mun’n, se be naan be kɛn i ndɛ.

Min 10: Maan e siesie e wun naan Sɛptamblu nun’n, e fa periodiki mun e man. Ijɔlɛ nin nzrafuɛ’m be kosan usalɛ. Fa miniti kun annzɛ nɲɔn bobo ndɛ nga be o periodiki sɔ’m be nun’n, be su. Kpa ndɛ akpasua nɲɔn annzɛ nsan yɛ usa nzrafuɛ mun naan be kle kosan nga be kwla usa’n, ɔ nin Biblu’n nun ndɛ nga be kwla kanngan nun’n naan b’a fa fluwa’n b’a man’n. Maan be yi wafa nga be kwla fa periodiki’m be man’n, i nglo kunngunngun.

Jue 122 yɛ srɛlɛ