Ajalɛ nga e kwla fa’n

E bo Biblu’n nun like klelɛ bo Desamblu i Fue cɛn klikli’n nun

“Siɛ nin niɛn kpanngban be kunndɛ kɛ be mma’m be klo Ɲanmiɛn. ?Sanngɛ, a bu i kɛ siɛ nin niɛn’m be kwla kle be mma mun i sɔ yolɛ? ?Annzɛ ba’m be bɔbɔ mun yɛ ɔ fata kɛ be suɛn i sɔ yolɛ ɔ?” Maan sran’n tɛ su. Fa ndɛ ng’ɔ o Desamblu 1 Sasafuɛ Tranwlɛ’n i sin bui’n su’n kle i. Yɛ ndɛ ng’ɔ o kosan klikli’n i bo lɛ’n, amun koko su yalɛ. I sin’n, fa fluwa’n man sran’n. Kpɛkun cɛn nga amún kókó kosan uflɛ su yalɛ’n, maan amun nuan sɛ su.

Sasafuɛ Tranwlɛ’n Desamblu 1

“E bali amun wun wunlɛ naan é kán Ɲanmiɛn i ndɛ. E si kɛ ɔ le sran kun nin i akunndan liɛ ng’ɔ bu i Ɲanmiɛn wun ɔn. ?Sanngɛ kɛ a niɛn i sa’n, sran kpanngban be bu i kɛ Ɲanmiɛn ti be janvuɛ naan ɔ nian be tinuntinun be lika? ?Annzɛ be bu i kɛ ɔ o lɛ sa ngbɛn? [Maan sran’n tɛ su.] Biblu’n nun ndɛ mma nga kle e kɛ Ɲanmiɛn kunndɛ kɛ e nin i e afiɛn mantan. [Kanngan Zak 4:8a nun.] Fluwa nga kle e like nsan mɔ e kwla yo naan e nin Ɲanmiɛn e afiɛn w’a mantan kpa’n.”

Réveillez-vous ! Décembre

“E bali amun osu nianlɛ naan é kókó ndɛ cinnjin kun su yalɛ. Yɛle kɛ anuannzɛ ng’ɔ nian mɛn wunmuan’n nun sran’m be ayre yolɛ’n su’n, ɔ seli kɛ sɛ be fa sran nnan’n, ɔ le cɛn kun mɔ be nun kun i ti nun sánngan ɔn. ?A bu i kɛ be ti nun sannganlɛ’n yɛ w’a kaci ajulisu tukpacɛ’n niɔn? [Maan sran’n tɛ su.] Biblu’n gua e awlɛn su nzue kɛ ɔ cɛ kaan’n, be su wunman tukpacɛ wie fi asiɛ wunmuan’n su. [Kanngan Sa Nglo Yilɛ 21:3, 4 nun.] Be ti nun sannganlɛ’n i su ndɛ wie m’ɔ fata kɛ sran kwlakwla si be’n, fluwa nga yiyi nun.”