Ajalɛ nga e kwla fa’n

Maan e bo Biblu’n nun like klelɛ bo Mɛ i Fue cɛn klikli’n nun

“E bali amun osu nianlɛ naan e koko kosan yɛ’n i su yalɛ. [Fa kosan klikli ng’ɔ o Mɛ 1 Sasafuɛ Tranwlɛ’n i sin bui’n su’n kle sran’n.] ?Sɛ be fa kosan nga be usa wɔ’n á tɛ́ su sɛ?” Maan sran’n tɛ kosan’n su. I sin’n, amun koko kosan’n i bo lɛ ndɛ’n su yalɛ. Biblu’n nun ndɛ mma nga be klɛ lɛ’n amun kanngan be nun wie annzɛ kun nun. Amun fa periodiki mun mɛn i naan cɛn nga amún kókó kosan uflɛ su yalɛ’n, maan amun nuan sɛ su.

Sasafuɛ Tranwlɛ’n Mɛ 1

“Sran kpanngban be kunndɛ kɛ bé sí be ɲrun lɔ sa mun. Ɔ maan e bali kɛ e nin wɔ é kókó ndɛ sɔ’n su yalɛ kan. ?Kɛ a bu e ɲrun lɔ sa’m be akunndan’n, ɔ wla gua ase annzɛ srɛ kun wɔ? [Maan sran’n tɛ kosan’n su. I sin’n, niaan kuku mɔ be flɛ i “Sa nga Ɲanmiɛn waan bé wá jú’n” nun naan kanngan Biblu’n nun ndɛ mma nga be klɛ lɛ’n be nun kun nun.] E ɲrun lɔ sa nga Ɲanmiɛn waan ɔ cɛ kan’n bé jú’n, fluwa nga kan be nun wie’m be ndɛ. Kpɛkun like nga ti yɛ e kwla lafi su kɛ bé jú sakpa’n, ɔ yiyi nun wie.”

Réveillez-vous ! Mai

“Sran’m be su sa’m be ti’n, be wla guaman ase. ?Kɛ a niɛn i sa’n, laa’n kɛ sran’m be koko dan kɛ e blɛ liɛ nga nun’n sa? [Maan sran’n tɛ kosan’n su.] Sran kpanngban be wunnin kɛ Biblu’n nun ndɛ’n uka be kpa. Ɔ maan be wun be su sa’m be trawlɛ. Ndɛ sɔ’m be nun kun yɛ. [Kanngan Matie 6:34 nun.] Fluwa nga kan like nnan mɔ be ti yɛ titi’n sran’m be koko’n, be ndɛ. Kpɛkun ɔ kle wafa nga Biblu’n kwla uka e naan y’a wun e su sa’m be trawlɛ’n.”

Ndɛ nanndoliɛ: Periodiki sɔ’n i nun ndɛ’n kwla yo aata difuɛ’m be fɛ kpa.