Le mɔcuɛ m’ɔ bo i bo Desamblu i le 29 i siesielɛ

Jue 37 yɛ srɛlɛ

Asɔnun’n i Biblu’n nun like suanlɛ:

cl ndɛ tre 18 §1-8 (Min. 30)

Ɲanmiɛn junman dilɛ suklu:

Biblu’n nun kannganlɛ: Zozie 12–15 (Min. 10)

Ɲanmiɛn junman dilɛ suklu’n i nun flanlɛ (Min. 20)

Junman dilɛ aɲia:

Anglo nga nun ndɛ’n yɛ: Maan e yi “like kpa” e ninnge kpakpa mɔ Ɲanmiɛn mannin e’n be nun.​—Mat. 12:35a.

Jue 89

Min 20: Maan e kle Biblu’n nun like suanfuɛ mun nin e mma’m be “like kpa” blɛblɛblɛ. (Mat. 12:35a) Ijɔlɛ nin nzrafuɛ’m be kosan usalɛ. Like nga ba kanngan nin Biblu’n nun like suanfuɛ’m be kwla yo’n, kanngan 1 Korɛntfuɛ Mun 13:11 nin 1 Piɛr 2:2, 3 nun naan yiyi nun. ?Kɛ be se kɛ be kunndɛ “Nyanmiɛn ndɛ b’ɔ ti kɛ nɔnnɔn bɔ b’a gua-man nun like’n sa,” i bo’n yɛle benin? ?Wafa sɛ yɛ e kwla uka Biblu’n nun like suanfuɛ mun nin ba kanngan mun naan b’a yo i sɔ liɛ’n niɔn? Yiyi Mark 4:28 nun. (Nian w14 1/12 12-13 § 6-8 nun.) Usa atin bofuɛ kun mɔ i nuan w’a tɔ jasin fɛ’n i bolɛ’n nun kpa’n, annzɛ siɛ kun i kosan. Wafa ng’ɔ ukali Biblu’n nun like suanfuɛ kun annzɛ i wa’n naan w’a tu i klun a su Ɲanmiɛn’n, maan ɔ kɛn i ndɛ.​—Efɛ. 4:13-15; Nian afuɛ 2014 nun Mɛ anglo’n, Ɲanmiɛn Sielɛ Blɛ junman fluwa’n i nun ndɛ akpasua mɔ be flɛ i kɛ “Kosan’m be su tɛlɛ” nun.

Min 10: “Maan e fa e ‘ninnge kpakpa’ mun e sɔ e niaan’m be nun. (Mat. 12:35a)” Ijɔlɛ nin nzrafuɛ’m be kosan usalɛ. ?Kɛ aniaan wie’m be sɔli be wiengu nun’n, i su ye benin yɛ be ɲɛnnin i ɔ? ?Annzɛ ndɛ fɛ benin yɛ be wunnin i ɔ? Wafa nga e kwla sɔ e niaan nga be ti blɛ kwlaa nun Ɲanmiɛn junman difuɛ’n ɔ nin e niaan onga’m be nun’n, se nzrafuɛ mun naan be kan. Kɛ ijɔfuɛ aofuɛ kun ba’n, ajalɛ nga asɔnun’n fa naan w’a mɛn i aliɛ’n, bo su.

Jue 124 yɛ srɛlɛ