Kosan’m be su tɛlɛ

◼ ?Biblu’n nun like nga e nin sran kun e suan’n, blɛ benin nun yɛ e kwla jrɛn i ɔ?

Sɛ sran nga e nin i e suan like’n, ɔ kɔmɛn i ɲrun’n, e kwla jran like nga e nin i e suan’n, sanngɛ e yo i amanniɛn su. (Mat. 10:11) Maan e usa e wun kɛ: ?Kɛ n kɔ i Biblu’n nun like klelɛ’n, n to i? ?Ɔ dun mmua siesie i wun naan m’an ba? ?Ɔ ba asɔnun aɲia wie’m be bo? ?Like ng’ɔ suan’n, ɔ kɛn i ndɛ kle sran uflɛ? ?Ɔ nanti Biblu’n nun afɔtuɛ’m be su? Kɛ é yó i sɔ’n, ɔ fata kɛ e bu sran’n i afuɛ’n, ɔ nin wafa ng’ɔ fa wun ninnge’m be wlɛ’n i akunndan. Afin sran’m be ti fanunfanun, yɛ sran ngba kɔmɛn i ɲrun Ɲanmiɛn i sulɛ nun ndɛndɛ. Sɛ e waan é yáci sran kun i Biblu’n nun like klelɛ’n, maan e yo i ngwlɛlɛ su naan sɛ cɛn uflɛ’n sran’n kunndɛ kɛ ɔ́ súan like ekun’n, w’a kwla suan.—1 Tim. 2:4.