“Be nga be si aunnvuɛ’n be liɛ su ti ye!”

1. E Ɲanmiɛn’n ti aunvuɛ sifuɛ,

Ɔ yo i sɔ’n i klunklo su.

Ɔ klo aklunye sa mun kpa,

Ɔ man e like ng’ɔ ju e’n.

Be kwlaa nga be kaci be nzuɛn’n

Kɛ be kpɛtɛ i’n ɔ yaci.

Ɲanmiɛn si klɔ sran’m be aunnvuɛ,

Afin ɔ si kɛ e ti fa.

2. Kɛ e yo sa tɛ’n, e wla bo,

E klo kɛ é kpáta Ɲanmiɛn.

Zezi kle e ndɛ nga é kán’n

Naan Ɲanmiɛn w’a si e aunnvuɛ’n:

“Yaci e sa tɛ mun cɛ e,

Kɛ nga e fa yaci cɛ’n sa.”

I sɔ’n maan e wla gua ase,

Yɛ e klun titiman e kun.

3. Kɛ e si sran mun be aunvuɛ’n,

E kle kɛ e klun ti ufue.

E fa kunndɛman mo yolɛ,

E kunndɛ kɛ sran’m be klun jɔ.

Yɛ Ɲanmiɛn m’ɔ si sa ngba nun’n

Ɔ́ mán e i nuan su like.

Aunnvuɛ sifuɛ’m be liɛ su o!

Ɲanmiɛn i ɲrun’n be yo ɲɛnmɛn.