Periodiki’m be fa manlɛ

La Tour de Garde Fevrie 1

“Sran sunman lika be le be Ɲanmiɛn sulɛ wafa liɛ. ?A bu i kɛ wafa nga e su Ɲanmiɛn ti i cinnjin’n? [Maan sran’n tɛ kosan’n su. I sin kanngan Matie 15:9 nun.] Zezi kannin wafa nga be su Ɲanmiɛn mɔ i klun jɔ su’n i ndɛ. Ndɛ akpasua nga yiyi be nun nnan nun.” Fa ndɛ akpasua nga ɔ bo i bo fluwa’n i bue 16 su kle i.

Réveillez-vous ! Fevrie

“Sran wie’m be waan Ɲanmiɛn yɛ ɔ yili like kwlaa ɔ. Kusu wie’m be waan fluwa sifuɛ dandan’m be lafiman su naan i sɔ selɛ’n ti finfin aeliɛ. ?Yɛ ɔ li, a bu i sɛ? [Maan sran’n tɛ kosan’n su.] Biblu’n waan nán be ti ble nun yɛ be lafi Ɲanmiɛn su ɔ. [Kanngan Ebre Mun 11:1 nun.] Ninnge nga be kle kɛ Ɲanmiɛn yɛ ɔ yili like kwlaa’n, ndɛ akpasua nga kan be nun wie’m be ndɛ.” Fa ndɛ akpasua nga ɔ bo i bo fluwa i bue 22 su’n kle sran’n.

Sasafuɛ Tranwlɛ’n Fevrie 1

“Ndɛ nga Ɲanmiɛn sulɛ wafa’m be kɛn i nzan kekleke’m be nɔnlɛ su’n ti fanunfanun. ?Kɛ a niɛn i siin, wafa sɛ yɛ Ɲanmiɛn bu nzan kekleke i nɔnlɛ’n niɔn? [Maan sran’n tɛ kosan’n su.] Kannzɛ bɔɔ Biblu’n waan Zezi i atrɛ klikli nga ɔ yili’n yɛle kɛ ɔ yoli maan nzue kacili divɛn’n, sanngɛ ɔ kan ndɛ nga ɔ o yɛ’n wie. [Kanngan Nyanndra Mun 23:20a nun.] Nzan kekleke nɔnlɛ i su akunndan sɛsɛ nga ɔ o Biblu’n nun’n, fluwa nga kɛn i ndɛ.”

Réveillez-vous ! Fevrie

“Andɛ sran’m be ja be wun nglɛmun kpɛkun nnɔsua be ra. ?Sanngɛ, kɛ a niɛn i sa’n, a bu i kɛ be nga be ra be wun’n, be dun mmua bu i sin afɛ’n i akunndan? [Maan sran’n tɛ kosan’n su. I sin’n, kanngan Nyanndra 14:15 nun.] Fluwa nga nun’n, be fa be nga be waan bé rá be wun’n be ɲin sie i like nnan su m’ɔ fata kɛ be dun mmua bu be akunndan ɔn.”