Periodiki’m be fa manlɛ
La Tour de Garde 1er novembre
“E kwlaa e kunndɛ kɛ e wun yo e fɛ. ?Sanngɛ a bu i kɛ sika yɛ maan sran wun yo i fɛ ɔ? [Maan sran’n tɛ kosan’n su.] Biblu’n i klɛfuɛ’m be nun kun suannin wafa nga sɛ i sa nun yoman fɛ’n, ɔ ko tran naan i klun w’a jɔ like kan ng’ɔ le i su’n. [Kanngan Filipfuɛ Mun 4:11, 12 nun.] Biblu’n kle e like nnun mɔ e kwla yo naan e klun w’a jɔ like kan nga e le i’n su ɔ. Fluwa nga kan be ndɛ.”
Réveillez-vous ! Novembre
“Sran wie’m be fa Ɲanmiɛn dunman be yo sa tɛtɛ wie mun. I ti’n, be nga be waan Ɲanmiɛn nunman lɛ’n, be se kɛ sɛ sran’m be yaci Ɲanmiɛn sulɛ’n, mɛn’n yó kpa. ?A bu i sɛ? [Maan sran’n tɛ kosan’n su.] Sa nga ti yɛ Ɲanmiɛn sulɛ wafa ng’ɔ timan su’n, ɔ kle sran be ɲrɛnnɛn’n, i kun 2 Timote 4:3, 4 nun. [Kanngan nun.] Akunndan nga be nga be waan Ɲanmiɛn nunman lɛ’n be bu m’ɔ timɛn i su’n, fluwa nga fa e ɲin sie i be nun wie’m be su.”
Sasafuɛ Tranwlɛ’n Novamblu 1
“Asiɛ wunmuan’n su’n, Ɲanmiɛn sulɛ wafa kwlaa nunfuɛ’m be srɛ Ɲanmiɛn. ?A bu i kɛ Ɲanmiɛn tie srɛlɛ nga be srɛ i, naan kusu ɔ tɛ su? [Maan sran’n tɛ kosan’n su.] Biblu’n wla e fanngan kɛ e srɛ Ɲanmiɛn. [Kanngan Filipfuɛ Mun 4:6, 7 nun.] Ɲanmiɛn srɛlɛ’n i su kosan nso nga sran’m be tɛ i usa’n, Biblu’n tɛ be su. I su tɛlɛ sɔ’m be o fluwa nga nun.”
Réveillez-vous ! Novembre
Kanngan 2 Timote 3:16 nun. I sin’n, se sran’n kɛ: “?A bu i kɛ ndɛ nga ti nanwlɛ, ɔ maan e kwla lafi ndɛ kwlaa nga Biblu’n kan’n su? [Maan sran’n tɛ kosan’n su.] Be nga be fufu buɛ asiɛ’n nun be kunndɛ laa ninnge mun’n, ɔ nin be nga be suan laa sa’m be su like’n, be kan laa Ezipti mɛn’n i su ndɛ. Ndɛ nga be kan’n i kunngba’n yɛ ɔ o Biblu’n nun ɔn. Ndɛ akpasua nga yiyi nun kpa kle e.” Fa ndɛ akpasua ng’ɔ o fluwa’n i bue 15 su kle sran’n.