Periodiki’m be fa manlɛ

La Tour de Garde Mɛ 1

“?Sɛ sran’m be kwlaa be fa ndɛ nga Zezi kɛnnin i yɛ’n su’n, wafa sɛ yɛ mɛn’n yó ɔ? [Kanngan Matie 7:12 nun. I sin’n, maan sran’n tɛ kosan’n su.] Wafa ng’ɔ fata kɛ Klistfuɛ kun nanti’n, Zezi kɛnnin i ndɛ. Ndɛ sɔ’n wie o fluwa nga nun.” Fa fluwa i ndɛ akpasua ng’ɔ o i bue 16 su kle sran’n.

Réveillez-vous ! Mɛ

“?Kɛ a niɛn i sa’n, a kwla se kɛ ɔ cɛ kaan sran’m be kwlaa be sa nun’n yó fɛ? [Maan sran’n tɛ kosan’n su.] Wafa nga Biblu’n nun ndɛ’n kwla yo e ye blɛ kekle kɛ nga nun’n, sran kpanngban be simɛn i. [Kanngan ndɛ akpasua’n i nun Biblu’n nun ndɛ mma kun nun.] Kɛ sika ɲanlɛ ko yo kekle kpa’n, wafa nga Biblu’n nun ndɛ’n kwla uka e naan y’a kpli e ti’n, ndɛ akpasua nga kɛn i ndɛ.” Fa ndɛ akpasua ng’ɔ bo i bo fluwa’n i bue 18 su kle sran’n.

Sasafuɛ Tranwlɛ’n Mɛ 1

“Kɛ be se sran’m be kɛ be bo sran nga mɔ awlanman nun’n, sran kaka nian i nantilɛ wafa’n su’n i dunman’n, be nun sunman Zezi dunman yɛ be bo ɔ. ?Yɛ ɔ li? [Maan sran’n tɛ kosan’n su.] Zezi i su ndɛ ti fanunfanun. Sa nga ti yɛ ɔ ti mɔ e wun ng’ɔ ti nanwlɛ’n mɔ é jrán su’n, maan e nian. [Kanngan Zan 17:3 nun.] Sasafuɛ Tranwlɛ’n nga ti i liɛ ngunmin kun. Ɔ kan Zezi i su ndɛ nanwlɛ’n nin like ng’ɔ kleli’n m’ɔ o Biblu’n nun’n, be ndɛ.”

Réveillez-vous ! Mɛ

“Sran kpanngban be waan be yaci siklɛti i nɔnlɛ sanngɛ ɔ ti be sa nun kekle kpa. ?A si i sɔ’n sran kun? [Maan sran’n tɛ kosan’n su.] Be nun wie’m be kunndɛli kɛ be janvuɛ mun ɔ nin be osufuɛ’m be uka be. [Kanngan Akunndanfuɛ’n 4:12a nun.] Ninnge fanunfanun nga siklɛti nɔnfuɛ kun ko yo naan w’a yaci siklɛti i nɔnlɛ’n, fluwa nga kɛn i ndɛ.”