Periodiki’m be fa manlɛ

La Tour de Garde Avrili 1

“Fluwa wie’m be nun be klɛ i kɛ Zezi jali bla yɛ ɔ wuli ba naan w’a wuman kɛ nga Biblu’n fa kan’n sa. ?W’a ti i sɔ le? [Maan sran’n tɛ kosan’n su.] Ɔ ti cinnjin kpa kɛ e wun nanwlɛ’n. [Kanngan Zan 17:3 nun.] Sa nga ti yɛ ɔ nin i fata kɛ e fa ndɛ nga Biblu’n kɛn i Zezi su i su’n, ndɛ akpasua nga yiyi nun.” Fa ndɛ akpasua ng’ɔ bo i bo fluwa i bue 26 su kle sran’n.

Réveillez-vous ! Avrili

Kanngan Jue Mun 37:9-11 nun. I sin’n, usa sran’n kɛ: “?Kɛ ndɛ ng’ɔ o yɛ wá kpɛ́n su’n, wafa sɛ yɛ mɛn’n káci ɔ? [Maan sran’n tɛ kosan’n su.] E ɲrun lɔ sa sɔ’n m’ɔ gua e wla ase’n, ndɛ akpasua nga bo su. Kpɛkun sa nga ti yɛ andɛ klunwi yolɛ w’a tru mɛn’n nun’n, ɔ yiyi nun ekun.” Fa ndɛ akpasua ng’ɔ bo i bo fluwa’n i bue 20 su kle sran’n.

Sasafuɛ Tranwlɛ’n Avrili 1

“?A bu i kɛ Biblu’n ti Ɲanmiɛn Ndɛ annzɛ ɔ ti fluwa kun kɛ fluwa nga’m be sa naan fɛ ngbɛn yɛ i nun ndɛ’m be yo ɔ? [Maan sran’n tɛ kosan’n su.] Sie ndɛ nga Biblu’n bɔbɔ kan’n i nzɔliɛ. [Kanngan 2 Timote 3:16,17 nun.] Like ng’ɔ ko uka e naan y’a tɛ kosan sɔ’n su klanman’n, yɛ sa nga ti yɛ ɔ ti cinnjin kɛ e yo sɔ’n, fluwa nga yiyi nun.”

Réveillez-vous ! Avrili

“?Ɔ yoman ɔ kɛ ninnge nga e waan é yó’n, e ɲanman i kwlaa i wun blɛ? [Maan sran’n tɛ kosan’n su.] Sran kpanngban be waan afɔtuɛ ng’ɔ o yɛ’n, ɔ yoli be ye. [Kanngan Filipfuɛ Mun 1:10 nun.] Ajalɛ fanunfanun nga e ko fa naan blɛ nga e le i’n w’a ju e’n, fluwa nga kan be nun wie’m be ndɛ.”