Periodiki’m be fa manlɛ

La Tour de Garde Zanvie 1

[Kanngan Rɔmfuɛ Mun 12:18.] “?Sɛ sran’m be kwlaa be nanti Biblu’n nun ndɛ nga su’n, mɛn nun tranlɛ kwla yo fɛ? [Maan sran’n tɛ kosan’n su.] ?Yɛ, ngue ti yɛ laa blɛ liɛ nun’n, ɔ ju wie’n, Ɲanmiɛn seli i sran’m be kɛ be ko kun alɛ ɔ? Wafa nga Biblu’n tɛ kosan sɔ’n su weinwein’n, ndɛ akpasua nga kɛn i ndɛ.” Fa ndɛ akpasua nga ɔ bo i bo fluwa’n i bue 13 su kle sran’n.

Réveillez-vous ! Zanvie

Kanngan Sa Nga be Yoli’n 17:31 i bue klikli’n nun. I sin’n, se sran kɛ: “Jɔlɛ dilɛ cɛn’n kun sran sunman lika be srɛ. ?Yɛ ɔ li, ɔ yo ɔ sɔ wie? [Maan sran’n tɛ kosan’n su.] Biblu’n se kɛ jɔlɛ dilɛ cɛn’n dunman nun ti’n, muae bá asiɛ’n su. I sɔ ndɛ yɛ ndɛ akpasua nga kan ɔn.” Fa ndɛ akpasua nga ɔ bo i bo fluwa’n i bue 10 su kle sran’n.

Sasafuɛ Tranwlɛ’n Zanvie 1

“?Cɛn wie lele Ɲanmiɛn yó maan ɲrɛnnɛn kwlaa wíe? [Maan sran’n tɛ kosan’n su.] Biblu’n nun kasiɛ nga ń wá bó su ń klé wɔ yɛ’n, i dunman nun ti’n, e kwla lafi su kɛ e ɲrun lɔ’n yó kpa. [Biblu’n nun ndɛ nga be o kuku ng’ɔ o fluwa i bue 7 su’n, kanngan be nun kun nun.] Biblu’n kan blɛ ɔ nin wafa nga Ɲanmiɛn maan afɛ kwlaa sɔ’m bé wíe’n, i ndɛ. Ndɛ sɔ’n o fluwa nga nun.”

Réveillez-vous ! Zanvie

“Lika nga w’a jran i ja kunngba su yɛ nun’n, sran kaka, junman bobo be su yɛ be wla guaman ase. ?Ɔ yo ɔ sɔ wie? [Maan sran’n tɛ kosan’n su.] Yaci, nian afɔtuɛ klanman nga ɔ o yɛ’n. [Kanngan Akunndanfuɛ’n 4:6 nun.] Wafa nga e kwla siesie e wun naan e junman’n nin e fuɛ’m be lika nianlɛ’n yɛ e ɲin su yiyilɛ’n naan i kwlaa sɔ nun’n, e wla w’a gua ase’n, fluwa nga kɛn i ndɛ. Asa ekun, ɔ man be nga be kunndɛ junman be akunndan.”