Periodiki’m be fa manlɛ

Sasafuɛ Tranwlɛ’n Zuie 1

“Andɛ asɔnun kpanngban nun’n, be boman sa tɛ yolɛ’n su be diman jɔlɛ.” ?Kɛ be kan sa tɛ yolɛ’n ndɛ’n, a bu i kɛ lalafuɛ ndɛ ɔ? Annzɛ kusu ɔ fata kɛ ndɛ sɔ’n yo e cinnjin kɛ é sé yɛ’n? [Maan sran’n tɛ kosan’n su. I sin, kanngan Rɔmfuɛ mun 5:12 nun.] Wafa nga Biblu’n bu sa tɛ yolɛ’n, fluwa nga kɛn i ndɛ.”

Réveillez-vous ! Zuie

“Andɛ asɔnun kaka nun’n, bla mun yɛ be tinngɛ asɔnun’n niɔn. ?Wafa sɛ yɛ a bu i sɔ’n niɔn? [Maan sran’n tɛ kosan’n su.] Ndɛ nga Biblu’n kɛn i mmla’m be su’n, yɛ ɔ o yɛ. [Kanngan 1 Korɛntfuɛ Mun 14:34 nun.] Sanngɛ, Biblu’n nun ndɛ mma uflɛ waan mmla’m be le junman kun asɔnun’n nun m’ɔ le ɲrun kpa ɔ. Fluwa’n i ndɛ akpasua nga yiyi nun.” Fa ndɛ akpasua ng’ɔ bo i bo fluwa’n i bue 28 su kle sran’n.

La Tour de Garde Zuie 1

“E nun sunman, kɛ tukpaciɛ kekle kpa tɔli e janvuɛ kun su annzɛ ɔ fɛli i ɔli wie nuan’n, y’a siman ndɛ nga e ko kan e ko kle i’n. ?Afɔtuɛ nga ti ɔ liɛ’n su? [Kanngan Zak 1:19 nun. I sin’n, maan sran’n tɛ kosan’n su.] Fluwa’n i ndɛ akpasua nga bobo ajalɛ trele nga blɛ sɔ’n nun’n e ko fa’n, be nun wie’m be su. Be taka Biblu’n su.” Fa ndɛ akpasua ng’ɔ bo i bo fluwa’n i bue 10 su’n kle i.

Réveillez-vous ! Zuie

“Be nga be diman junman’n, be wla guaman ase. Be nga di junman kusu ɔ, junman mɔ be kunndɛman kɛ ɔ fi be sa’n ti’n, be klun titi be. ?Afɔtuɛ ng’ɔ o yɛ’n, ɔ kwla uka e naan y’a wun e wun fɛ? [Kanngan Matie 6:34. I sin’n, maan sran’n tɛ kosan’n su.] Fluwa nga kle e ajalɛ nga e kwla fa naan y’a yo e sika’n i cɛcɛ naan kusu y’a wun e wun fɛ’n.”