Periodiki’m be fa manlɛ

La Tour de Garde Sɛptamblu 1

“Sran wie’m be juejue nga be ti i Ɲanmiɛn i sulɛ nun’n m’ɔ takaman Ɲanmiɛn ndɛ’n su ti’n, be yo sa tɛtɛ wie mun. ?Kɛ a niɛn i sa siin, ngue yɛ maan sran sɔ’m be fɔn sɔ mɔ be wunman nun ɔn? [Maan sran’n tɛ kosan’n su.] Sie like nga Biblu’n wla e fanngan kɛ e yo’n, i nzɔliɛ. [Kanngan 1 Zan 4:1 nun.] Sa nga ti yɛ ɔ ti cinnjin kɛ e fa like nga e lafi su e sunnzun ndɛ nga Biblu’n kan’n, ndɛ akpasua nga yiyi nun.” Fa ndɛ akpasua ng’ɔ bo i bo fluwa’n i bue 10 su kle sran’n.

Réveillez-vous ! Sɛptamblu

Kanngan Matie 5:39 nun. I sin se sran’n kɛ: “?Ndɛ nga Zezi kɛnnin i wa’n, kle kɛ sɛ sran kun yo e tɛ’n, nán e yo like fi? [Maan sran’n tɛ kosan’n su.] Sɛ sran kun waan ɔ́ yó e sa’n, wafa nga e ko kpli e ti’n yɛ e ko kunndɛ ukalɛ awa’n i sa nun’n, ndɛ akpasua nga jran Biblu’n su yiyi nun.” Fa ndɛ akpasua ng’ɔ bo i bo fluwa’n i bue 10 su kle sran’n.

Sasafuɛ Tranwlɛ’n Sɛptamblu 1

“Srɛ kun sran kaka. Afin be se be wun kɛ sran’m bé wá fá bɔmbu bé dí alɛ annzɛ kusu lika’n wá káci ɔ maan, asiɛ’n wá sáci annzɛ i osu núnnún mlɔnmlɔnmlɔn. ?I sɔ sa’n jú sakpa? [Maan sran’n tɛ kosan’n su.] Sa sɔ’n i su ndɛ nga Biblu’n kan’n, sie i nzɔliɛ. [Kanngan Sa Nglo Yilɛ 11:18 nun.] Mɛn’n i nunnunlɛ’n i su kosan nnan mɔ sran’m be ta be wun fa usa’n, fluwa nga tɛ be su.”

Réveillez-vous ! Sɛptamblu

“Kɛ a niɛn i siin’n, selilɛli, ɛntɛnɛti su lɛtri klɛlɛ’n nin yalɛ kokolɛ’n annzɛ ajulisu mannzin wafawafa nga be sin be lika be nin sran’m be koko yalɛ’n, be yoli naan sran’m be wun w’a yoman be flɔlɔ? [Maan sran’n tɛ kosan’n su.] Sɛ e wun yo e flɔlɔ’n, like nga e kwla yo naan e wun w’a kpaja e’n, kun yɛ: [Kanngan Sa Nga Be Yoli’n 20:35 nun.] Afɔtuɛ nga Biblu’n man’n, be nun wie ekun o fluwa nga nun.”