La Bible : un récit historique exact, des prophéties dignes de foi

?Laa sa’m be su ndɛ nga Biblu’n kan’n, ngue yɛ maan be wa wunnin i nanwlɛ ɔ? ?Sa benin wie mun yɛ Biblu’n dun mmua boli su mɔ be kpɛnnin su, mɔ i sɔ ti’n, i nun ndɛ ng’ɔ nin a kpɛnman su’n, e kwla fa e wla e gua su ɔ? Sɛ e nian flimu nga be flɛ i kɛ La Bible : un récit historique exact, des prophéties dignes de foi, é wún kosan sɔ’m be su tɛwlɛ. Flimu nsan nga be o DVD La Bible : un livre historique et prophétique i su’n, i nsan su’n yɛ ɔ o lɛ ɔ. Kɛ e ko wie flimu sɔ’n nian’n, maan e nian sɛ e kwla tɛ kosan nga be lɔngɔ su yɛ’n, be su o.

(1) ?Ndɛ nanwlɛ m’ɔ o Biblu’n nun’n, ɔ fin wan? (Dan. 2:28) (2) ?Ezipti mɛn laa’n i su ndɛ nanwlɛ benin yɛ ɔ o Biblu’n nun ɔn? ?Yɛ wafa sɛ yɛ Ezai 19:3, 4 kpɛnnin su ɔ? (3) ?Be nga be fufu asiɛ’n be suan laa ninnge’m be su like’n, ngue yɛ be wunnin i m’ɔ kle kɛ Asirifuɛ mun nin be famiɛn mun, ɔ nin be mɛn’n i nunnunlɛ i su ndɛ ng’ɔ o Biblu’n nun’n, ɔ ti nanwlɛ ɔ? (Naɔ. 3:1, 7, 13) (4) ?Babilɔni mɛn’n i su ndɛ benin yɛ Ɲanmiɛn nuan ijɔfuɛ’m be kannin m’ɔ kpɛnnin su ɔ? (Zer. 20:4; 50:38; 51:30) (5) ?Medifuɛ nin Pɛrsifuɛ’m be su ndɛ benin yɛ Biblu’n dun mmua kannin m’ɔ kpɛnnin su ɔ? (Eza. 44:28) (6) ?Ngue yɛ ɔ kle kɛ ndɛ ng’ɔ o Daniɛl 7:6 ɔ nin Daniɛl 8:5, 8 nun’n, ɔ kpɛnnin su Glɛki mɛn’n i lika ɔ? (7) ?Kɛ Rɔmu nvle’n ɲannin kwlalɛ mɔ ɔ wa sieli mɛn wunmuan’n, wafa sɛ yɛ be wunnin kɛ Daniɛl 7:7 ti nanwlɛ ɔ? (8) ?Famiɛn nga be suan Sezar’n be nun’n, benin yɛ Biblu’n kan be ndɛ ɔ? (9) ?Famiɛn Nerɔn blɛ su’n, sa benin yɛ ɔ juli Klistfuɛ’m be su ɔ? (10) ?Wafa sɛ yɛ ndɛ nga be o Sa Nglo Yilɛ 13:11 ɔ nin 17:10 be nun’n, be kpɛnnin su ɔ? (11) ?Ngue like yɛ ɔ ti famiɛn’m be mɔcuɛ su mɔ Sa Nglo Yilɛ fluwa’n kɛn i ndɛ’n i nzɔliɛ ɔ? (12) ?Flimu’n i nun sa benin mun yɛ be kle kɛ Akunndanfuɛ’n 8:9 ti nanwlɛ ɔ? (13) ?E ɲrun lɔ sa nga be nin a kpɛnman su’n be nun’n, benin yɛ amun ɲin wo i sin kpa ɔ? (14) ?Ngue yɛ amun kwla yo naan flimu sɔ’n w’a uka be nga be lafiman su kɛ Biblu’n fin Ɲanmiɛn sakpa’n niɔn?