Jasin fɛ’n bolɛ aɲia’m be bo’n, e su nianman fluwa Maan e nian Ɲanmiɛn Ndɛ’n nun cɛn kwlaa i nun kun

Titi’n, kɛ é yó e jasin fɛ’n bolɛ aɲia’n, sɛ cɛn sɔ nun e fluwa Maan e nian Ɲanmiɛn Ndɛ’n nun cɛn kwlaa i nun ndɛ’n ɔ kan jasin fɛ’n bolɛ’n i ndɛ’n, e koko su yalɛ kpe kan. Sanngɛ, b’a fɛ i wun ajalɛ uflɛ. Yɛle kɛ e su nianman fluwa sɔ’n nun jasin fɛ’n bolɛ’n aɲia’m be bo kun. Kɛ titi’n sa’n, aniaan nga be tinngɛ aɲia’n, be kwla nian Biblu’n annzɛ Ɲanmiɛn Sielɛ Blɛ junman fluwa’n annzɛ fluwa École du ministère nun. Asa kusu’n, be kwla nian fluwa Comment raisonner ɔ nin fluwa uflɛ m’ɔ kan jasin fɛ’n bolɛ ndɛ’n, be nun wie. Maan be nga bé tínngɛ aɲia’n, be siesie be wun naan be kle be nga be su kɔ jasin fɛ’n bolɛ’n, be ajalɛ trele mɔ be kwla fa su ɔ. Kɛ nga e fa yo i titi’n sa’n, nán maan aɲia sɔ’n tra miniti 15. Kusu’n, sɛ kɛ e asɔnun aɲia’n wie yɛ e yo aɲia sɔ’n, maan ɔ yo kpe kan.