Ajalɛ nga e kwla fa’n

E bo sran’m be Biblu’n nun like klelɛ bo, Mɛ i Fue cɛn klikli’n nun

“Ndɛ nga sran’m be kɛn i Zezi su’n ti fanunfanun. ?Ɔ ti sran kun m’ɔ ti kpa ngbɛn annzɛ Ɲanmiɛn i wa ɔ?” Maan sran’n tɛ kosan’n su. I sin’n, fa Sasafuɛ Tranwlɛ’n fluwa Avrili 1, i bue 10-11 naan ndɛ kpɔlɛ nga be o kosan nga be o lɛ’n be bo’n, an kanngan be nun kun nun. Yɛ Biblu’n nun ndɛ nga be klɛli i lɛ’n kusu’n, an kanngan be nun kun nun wie. Fa periodiki mun mɛn i. Kpɛkun cɛn nga á kó níɛn i osu ekun’n, amun koko kosan ng’ɔ ba lɛ’n i su yalɛ.

Sasafuɛ Tranwlɛ’n Avrili 1

“Like nga be fa sie Zoova i Lalofuɛ’m be nzɔliɛ’n yɛle Ɲanmiɛn Ndɛ’n mɔ be kan sin’n. ?A si like nga ti yɛ be di junman sɔ’n? Maan sran’n tɛ kosan’n su. Nian like nga ti yɛ be yo i sɔ’n. [Kanngan Matie 24:14] Fluwa nga tɛ kosan nga’m be su: ?Jasin fɛ’n yɛle benin? ?Ngue yɛle Ɲanmiɛn Sielɛ’n? ?Mɛn’n i awieliɛ’n i bo’n yɛle benin?”

Réveillez-vous ! Avril

“Sran kpanngban be bu i kɛ Ɲanmiɛn nunman lika trele kun sa naan ɔ o lika ngba, yɛ ɔ o like kwlaa nun. ?Ɔ liɛ’n, a bu i sɛ? [Maan sran’n tɛ kosan’n su. I sin’n kanngan 1 Famiɛn Mun 8:39.] Like nga ti yɛ ɔ timan cinnjin kɛ Ɲanmiɛn tran lika kwlaa’n, ndɛ akpasua nga ɔ bo i bo fluwa nga i bue 28 su’n, ɔ yiyi nun.”