Ajalɛ nga e kwla fa’n

E bo sran’m be Biblu’n nun like klelɛ bo, Mɛ i Fue cɛn klikli’n nun

“Andɛ sran kpanngban be di Zezi i awuliɛ cɛn. ?Yɛ i wie cɛn’n nin? ?A bu i kɛ ɔ ti cinnjin kɛ e wla kpɛn su?” Maan sran’n tɛ kosan’n su. I sin’n, fa Mɛ Sasafuɛ Tranwlɛ’n liɛ’n naan fɛ i bue 10. I sin’n, ndɛ ng’ɔ o ndɛ ce klikli’n i bo lɛ’n, maan amun koko su yalɛ naan amun kanngan Biblu’n nun ndɛ mma kun nun. Kpɛkun fa Sasafuɛ Tranwlɛ’n nin Réveillez-vous ! man sran’n yɛ cɛn nga amún kókó kosan uflɛ ng’ɔ su i su’n i su yalɛ’n, maan amun nuan sɛ su.

SASAFUƐ TRANWLƐ’N Mɛ 1

“Nanwlɛ, asɔnun’m b’a sɔn. Yɛ ɔ le kun nin i like ng’ɔ lafi su’n ɔ nin i like yolɛ wafa’n. ?Be nga be se be wun kɛ be ti Klistfuɛ’n, be ti Klistfuɛ sakpa? ?A bu i sɛ? [Maan sran’n tɛ kosan’n su.] Zezi kannin like kun mɔ e kwla fa sie sran nga be fɛ i ndɛ’n su sakpasakpa’n, be nzɔliɛ. I yɛ ɔ o yɛ. [Kanngan Zan 13:34, 35 nun.] Zezi kannin ndɛ fanunfanun nnun mɔ be kwla uka e naan y’a sie Klistfuɛ kpa mun’n, be nzɔliɛ. Ndɛ sɔ’m be o fluwa nga nun.”

Réveillez-vous ! Mai

“Sran nga e toli be mɔ be seli e kɛ b’a buman be lufle’n, b’a sɔnman. ?Kɛ a niɛn i sa’n, a bu i kɛ cɛn wie lele sran fi su klemɛn i wiengu yalɛ kun? [Maan sran’n tɛ kosan’n su.] Biblu’n kan Famiɛn kun i ndɛ. Famiɛn sɔ’n ɔ́ wá yó maan afɛ’n nin ɲrɛnnɛn kwlaa nga sran’m be wun i andɛ’n, bé wíe. [Kanngan Jue Mun 72:11-14 nun.] Ninnge kpakpa nga ɔ ka kaan sa é ɲán be’n, fluwa nga kan be ndɛ.”