Ajalɛ nga e kwla fa’n

E bo sran’m be Biblu’n nun like klelɛ bo, Avrili i Fue cɛn klikli’n nun

“Andɛ sran kpanngban be di Zezi i awuliɛ cɛn. ?Yɛ i wie cɛn’n nin? ?A bu i kɛ ɔ ti cinnjin kɛ e wla kpɛn su?” Maan sran’n tɛ kosan’n su. Fa Avrili Sasafuɛ Tranwlɛ’n liɛ’n man sran’n. I sin’n, ndɛ ng’ɔ o ndɛ ce klikli’n ng’ɔ o i bue 8 su’n, maan amun koko su yalɛ naan amun kanngan Biblu’n nun ndɛ mma kun nun. Kpɛkun fa Sasafuɛ Tranwlɛ’n nin Réveillez-vous ! man sran’n yɛ cɛn nga amún kókó kosan uflɛ ng’ɔ su i su’n i su yalɛ’n, maan amun nuan sɛ su.

Sasafuɛ Tranwlɛ’n Avrili 1

“Nanwlɛ asɔnun wafawafa b’a sɔn. Yɛ ɔ le kun nin i like ng’ɔ lafi su’n ɔ nin i like yolɛ wafa’n. ?Be ngba kwlaa nga be kɔ asɔnun’n yɛ be fa Klist i ajalɛ’n su sakpa ɔ? ?A bu i sɛ? [Maan sran’n tɛ kosan’n su.] Zezi kannin like kun mɔ e kwla fa sie sran nga be fɛ i ndɛ’n su sakpasakpa’n, be nzɔliɛ’n. I yɛ ɔ o yɛ. [Kanngan Zan 13:34, 35 nun.] Zezi kannin ndɛ fanunfanun nnun mɔ be kwla uka e naan y’a sie be nga be fɛ i ndɛ’n su sakpasakpa’n, be nzɔliɛ. Ndɛ sɔ’m be o fluwa nga nun.”

Réveillez-vous ! Avril

“Awlobofuɛ’m be ukalɛ’n ti e cinnjin kpa. I ti yɛ e bali amun wun wunlɛ’n niɔn. Le nɲɔn nun’n, afɛ nga be tɔ awlobo’m be su’n be sɔnnin. ?Nɛ́n i ɔ? [Maan sran’n tɛ kosan’n su.] Fluwa nga ɔ man awlobo sunman be afɔtuɛ kpakpa’n, yɛ be kɛn i ndɛ wa ɔ. [Kanngan Jue Mun 119:105 nun.] Ba’m be talɛ’n ɔ ti kekle kpa man siɛ annzɛ niɛn nga be ngunmin be ta be mma mun’n. Sanngɛ wafa nga Biblu’n nun mmla’m be ukali be i sɔ yolɛ nun’n, be kɛn i ndɛ fluwa nga nun.”