Ajalɛ nga e kwla fa’n

E bo Biblu’n nun like klelɛ bo Avrili i Fue cɛn klikli’n nun

“E su wla sran’m be fanngan kɛ be kanngan Biblu’n nun. Sanngɛ sran kpanngban be waan Biblu’n i nun ndɛ’n i wlɛ wunlɛ ti kekle. ?Yɛ ɔ li? ?A bu i sɛ? [Maan sran’n tɛ kosan’n su.] Nian ndɛ nga be klɛli i wa yɛ’n.” Fa ndɛ ng’ɔ o Avrili 1 Sasafuɛ Tranwlɛ’n i sin bui’n su’n kle sran’n naan amun koko ndɛ ng’ɔ o kosan klikli’n i bo lɛ’n su yalɛ. Biblu’n nun ndɛ mma nga be klɛ lɛ’n, an kanngan be nun wie mun annzɛ kun nun. I sin’n, fa fluwa’n man sran’n, kpɛkun cɛn nga amún kókó kosan uflɛ su yalɛ’n, maan amun nuan sɛ su.

Sasafuɛ Tranwlɛ’n Avrili 1

“Be kwlaa nga e nin be e koko yalɛ’n, e wun kɛ sa o be su. I sɔ’n yo maan sran wie’m be usa be wun kɛ: ?Ngue ti yɛ e wo asiɛ’n su ɔ? ?Ɔ klun’n, ninnge’m be nun tɛ kpafuɛ ng’ɔ kwla yo naan y’a diman aklunjuɛ’n yɛle benin? [Maan sran’n tɛ kosan’n su.] Biblu’n se kɛ Ɲanmiɛn wá núnnún sa nga be o e su’n be kwlaa. [Kanngan Sa Nglo Yilɛ 21:4 nun.] Fluwa nga kan wafa nga e ɲrun lɔ’n wá yó’n i ndɛ. Asa kusu ɔ kan ninnge wie m’ɔ fata kɛ e yo naan ikisa bɔbɔ’n y’a kwla di aklunjuɛ’n i ndɛ.”

Réveillez-vous ! Avril

“Be wiengu ɲrɛnnɛn klelɛ awlo lɔ’n w’a tru kpokpaa mɛn wunmuan’n nun. Sran wie’m be waan i sɔ’n fin sran kun i klɔ lɔ nzuɛn’n, annzɛ wafa nga i si nin i nin’m be tɛli i’n, annzɛ kusu ɔ fin be ɲin su yiyilɛ ninnge nga nzaje sa o nun’n. ?Kɛ ɔ bɔbɔ a niɛn i sa’n, like cinnjin kpafuɛ ng’ɔ kpɛ ɲrɛnnɛn klelɛ sɔ’n i ba’n yɛle benin? [Maan sran’n tɛ kosan’n su.] Biblu’n kan wafa ng’ɔ fata kɛ yasua kun nin i yi’n be tran’n, i ndɛ. [Kanngan Efɛzfuɛ Mun 5:33 nun.] Wafa nga Biblu’n nun mmla’m be su falɛ’n yoli maan sran wie’m be aja m’ɔ su saci’n ɔ yoli ye ekun’n, fluwa nga kɛn i ndɛ.”