Ajalɛ nga e kwla fa’n

E bo sran’m be Biblu’n nun like klelɛ bo, Novamblu i Fue cɛn klikli’n nun

“Lufle dilɛ’n w’a tru asiɛ’n su. ?Kɛ ɔ bɔbɔ a niɛn i sa’n, awa benin yɛ ɔ kwla wie lufle dilɛ’n niɔn? [Maan sran’n tɛ kosan’n su.] Nian ndɛ nga be klɛli i wa yɛ’n.” Amun fa Novamblu 1 Sasafuɛ Tranwlɛ’n, be mɛn i naan amun koko fluwa’n i bue 4 su’n i nun ndɛ nga be o i ce klikli’n i bo lɛ’n be su yalɛ likawlɛ. Biblu’n nun ndɛ mma nga be o nun’n, amun kanngan be nun wie mun annzɛ be nun kun nun. Amun fa periodiki’m be man sran’n, kpɛkun cɛn nga amún kó níɛn i osu’n naan amun a kwla koko ndɛ uflɛ su yalɛ’n, maan amun nuan sɛ su.

Sasafuɛ Tranwlɛ’n Novamblu 1

“Aata dilɛ ninnge’m be nun o, politiki yolɛ nun o, lufle dilɛ’n w’a tru kpokpaa. ?Ngue yɛ a bu i kɛ e kwla yo ɔ? [Maan sran’n tɛ kosan’n su.] Nian like nga Zezi wá yó mán be nga be di be lufle sɔ’n. [Kanngan Jue Mun 72:12-14 nun.] Fluwa nga kle kɛ ɔ cɛ kan’n, sran lufle dilɛ’n ɔ́ wíe.”

Réveillez-vous ! Novembre

“Junman nga e su di andɛ’n yɛle awlobo’n i nunfuɛ’m be osu nianlɛ. Sanngɛ e wun i kɛ awlobo wie nun’n, siɛ’n annzɛ niɛn’n i ngunmin nin ba mun yɛ be tran ɔn. ?A bu i kɛ siɛ annzɛ niɛn nga i ngunmin yɛ ɔ tran’n, i su ndɛ tra siɛ nin niɛn nga be tran likawlɛ’n? [Maan sran’n tɛ kosan’n su.] Biblu’n nun afɔtuɛ’m be ukali siɛ nin niɛn kpanngban be mma’m be talɛ’n nun. [Kanngan 2 Timote 3:16 nun.] Fluwa nga kle ajalɛ wie mɔ be kwla uka siɛ nin niɛn nga be ngunmin yɛ be ta be mma mun’n naan b’a kwla ta be kpa.”