Les Témoins de Jéhovah — la foi en action, 1re partie : la sortie des ténèbres

Biblu’n nun’n, kɛ be kan nanwlɛ’n i ndɛ’n, be fɛ i sunnzun kannin kpɛkun ato’n, be fɛ i sunnzun aosin. (Jue. 43:3; Eza. 5:20) Ɛvu yɛ ɔ ti sran klikli nga Satan buali ato kleli i’n niɔn. Kpɛkun kɛ ɔ juli i ɲrun’n, Satan lakali mɛn wunmuan’n nunfuɛ’m be kwlaa. Ɔ maan, ɔ ti kɛ mɛn wunmuan’n o aosin tuun kpa nun sa. (Ngl. 12:9) Wafa nga blɛblɛblɛ nanwlɛ’n m’ɔ ti kɛ kannin sa’n, wa boli kpajalɛ’n i bo mɛn’n m’ɔ o aosin nun’n i nun’n, yɛ be kɛn i ndɛ flimu nga be flɛ i Les Témoins de Jéhovah — la foi en action, 1^re partie : la sortie des ténèbres i nun ɔn. (Eza. 60:1, 2) Kɛ amun ko wie flimu’n i nian’n, maan amun tɛ kosan nga’m be su.

(1) ?Kɛ akoto’m be wuli’n, wafa sɛ yɛ ato’n wa truli kpa ɔ? (2) ?Kɛ ɔ fɛ i afuɛ nga be flɛ i 1.100 nun’n, ngue yɛ ɔ ukali sran mun naan b’a wun i kɛ asɔnun nga be o lɛ’n, b’a kun be kpo ɔ? (3) ?Wan yɛle sran nga be flɛ i Henry Grew? ?Yɛ wan yɛle George Storrs? (4) ?Sa benin yɛ ɔ ɲannin Charles Russell mɔ i ti’n, i wla boli i wun dan ɔn? (5) ?Wafa sɛ yɛ aniaan bian Russell ɔ nin i si nin i janvuɛ wie mun’n, be suannin Biblu’n nun like ɔ? ?Yɛ ngue yɛ be wa wunnin i wlɛ ɔ? (6) ?Ngue ti yɛ sran nga be nin Russell be suan Biblu’n nun like’n, be nin Nelson Barbour i sran liɛ mun’n, be kan boli nun ɔn? ?Sanngɛ ndɛ benin ti yɛ aniaan bian Russell nin Nelson Barbour be wa titili nun ɔn? (7) ?Afuɛ nga be flɛ i 1.879 nun’n, sa benin yɛ ɔ juli m’ɔ yoli maan nanwlɛ’n m’ɔ ti kɛ kannin sa’n wa kpajali ɔ? (8) ?Ajalɛ benin yɛ Biblu’n nun like suanfuɛ mɔ be su sɔn be kɔ’n, be fali naan jasin fɛ’n wa tru ɔ? (9) ?Like benin yɛ Biblu’n nun like suanfuɛ’m be buli i kɛ ɔ́ jú afuɛ nga be flɛ i 1914 nun ɔn? (10) ?Kɛ aniaan bian Russell wuli’n, ngue ti yɛ lika’n yoli kekle mannin Biblu’n nun like suanfuɛ mun ɔn? (11) ?Kɛ aniaan bian Rutherford nin be nga ɔ nin be di junman mɔ be mɛntɛn i koko kpa’n be fin bisua fiteli’n, ngue yɛ be yoli ɔ? (12) ?Wafa sɛ yɛ flimu sɔ’n ukali amun naan amun a si Zoova i anuannzɛ’n kpa naan amun a bu i like nanndoliɛ ɔ? (13) ?Flimu’n i nun ndɛ benin yɛ ɔ wlali amun fanngan naan kannzɛ ɔ ti sɛ ti sɛ’n, amun a yaciman jasin fɛ’n i bolɛ juejue su ɔ? (14) ?Sɛ amun waan flimu sɔ’n yo amun osufuɛ mun nin sran nga amun kle be Biblu’n nun like’n, annzɛ sran uflɛ’m be ye wie’n, ajalɛ benin yɛ amún fá ɔ?

Aja like nga laa Biblu’n nun like suanfuɛ sɔ’m be yacili e sa nun’n, nanwlɛ, i nanndoliɛ m’ɔ ti’n, be kanman. Be blɛ liɛ nun’n, ato ndɛ’n w’a tru kɛ likɛ. Ɔ maan ɔ ti kɛ mɛn’n w’a wla aosin tritritri kpa sa. Sanngɛ be kpajali sran’m be ɲrun. Yɛle kɛ be tuli be klun kannin ndɛ nanwlɛ’n kleli sran mun yakpa su. I sɔ’n ti’n, maan e nian be ajalɛ’n su naan e kusu ‘e yo sa ng’ɔ kle kɛ e wo wia klengle kpa’n nun’n.’​—Efɛ. 5:8.