Les Témoins de Jéhovah — la foi en action, 2^è partie : que brille la lumière !

Kɛ afuɛ nga be flɛ i 1919 nun’n, aniaan bian Rutherford nin be nga ɔ nin be di junman’n be fin bisua fiteli’n, junman dan kpa kun minndɛ Biblu’n nun like suanfuɛ’m be kwlaa. Kɛ nga be fa kɛnnin i flimu nga be flɛ i Les Témoins de Jéhovah — la foi en action, 2^è partie : que brille la lumière ! i nun’n, ɔ nin i fatali kɛ be jran sran kpanngban mɔ be tanndan be ɲrun’n, be ɲrun kekle. Asa ekun’n, ɔ nin i fatali kɛ be Ɲanmiɛn ninnge’m be silɛ’n ɔ wɔ i ɲrun naan be Ɲanmiɛn sulafilɛ’n i bo’n wla ase kpa. (Nya. 4:18; Mal. 3:1-3; Zan 15:20) Sɛ amun wie flimu i nian’n, amun tɛ kosan nga’m be su.

(1) ?Ajalɛ benin yɛ Biblu’n nun like suanfuɛ’m be fali naan b’a bo jasin fɛ’n i kpa b’a tra laa ɔ? (2) ?Ndɛ cinnjin benin yɛ be boli be su aɲia dandan nga be yoli be afuɛ 1931 nin 1935 nun be bo ɔ? (3) ?Ndɛ nanndoliɛ benin yɛ ɔ o afuɛ 1939 nun Novamblu i le 1 i Sasafuɛ Tranwlɛ’n nun ɔn? (4) Lika nga be flɛ i Madison Square Garden i nun lɔ’n, kɛ aniaan bian Rutherford mán nzra nun ijɔlɛ mɔ be flɛ i “ Gouvernement et Paix ”, sa benin wie yɛ ɔ juli lɔ? (5) ?Ngue ti yɛ e kwla se kɛ aniaan bian Knorr i ijɔlɛ mɔ be flɛ i “ La Paix de demain sera-t-elle de longue durée ” ɔ yoli fɛ kpa’n niɔn? (6) ?Afuɛ nga be flɛ i 1942 nun’n, ajalɛ benin yɛ Zoova i Lalofuɛ’m be fali naan b’a bo jasin fɛ’n kpa b’a tra laa ɔ? (7) Kan Zoova i Lalofuɛ’m be su ndɛ nga be fa ɔli jɔlɛ difuɛ’m be ja su’n Amlɛnkɛn’m be lɔ’n, ɔ nin Glɛki’m be lɔ nin Kanada nvle’n nun lɔ’n i ndɛ kan (8) ?Wafa sɛ yɛ Gileadi suklu’n ɔ yoli maan jasin fɛ’n bolɛ wɔli i ɲrun ekun ɔn? (9) ?Junman cinnjin benin yɛ be boli i bo afuɛ nga be flɛ i 1946 nun ɔn? (10) ?Ajalɛ benin yɛ Zoova i Lalofuɛ’m be fali naan be mɛn dilɛ’n w’a taka Biblu’n su kpa ɔ? (11) ?Ninnge’m be siesielɛ nun’n, ninnge benin wie mun yɛ Zoova i Lalofuɛ’m be yoli naan be anuannzɛ’n w’a yo Biblu’n i liɛ’n su ɔ? (12) ?Wafa sɛ yɛ flimu sɔ’n ukali amun naan amun a si Zoova i anuannzɛ’n kpa naan amun a bu i like nanndoliɛ ɔ? (13) ?Flimu’n i nun ndɛ benin yɛ ɔ wlali amun fanngan naan kannzɛ ɔ ti sɛ ti sɛ’n, amun a yaciman jasin fɛ’n i bolɛ juejue su ɔ? (14) ?Sɛ amun waan flimu sɔ’n yo amun osufuɛ mun nin sran nga amun kle be Biblu’n nun like’n, annzɛ sran uflɛ’m be ye wie’n, ajalɛ benin yɛ amún fá ɔ?

Kɛ cɛn’m bé sín bé kɔ́’n, nn Zoova i Lalofuɛ’m bé yó ninnge wie mun úka laa liɛ’m be su. ?E ɲin mɔ e mian e bo jasin fɛ’n, i su ndɛ benin yɛ flimu’n kan ɔn? Kɛ nga e aniaan’m be fa yoli i laa’n sa’n maan e kusu e tu e klun e yo ‘maan lika’n kpaja’​—2 Kor. 4:6.