Ajalɛ nga e kwla fa’n

E bo sran’m be Biblu’n nun like klelɛ bo, Zuɛn i Fue cɛn klikli’n nun

“Sran wie’m be waan ɲanmiɛn sulɛ’n ɔ yo maan sran’m be klo be wun. Sanngɛ wie’m be waan ɔ yo maan sran’m be kpɔ be wun.?Yɛ ɔ li? ?A bu i sɛ? [Maan sran’n tɛ kosan’n su.] Maan n fa ndɛ sɔ’n i su ndɛ fɛ kun n kle wɔ.” I sin’n, fa Sasafuɛ Tranwlɛ’n fluwa Mɛ 1 man sran’n naan a nin i be kanngan ndɛ ce klikli nga ɔ o i bue 16 su’n, i nun. Yɛ Biblu’n nun ndɛ mma nga be klɛli be lɛ’n kusu’n, kanngan be nun kun nun wie. Fa Sasafuɛ Tranwlɛ’n nin Réveillez-vous ! mɛn i. Kpɛkun cɛn nga amún kókó kosan’n i nɲɔn su’n i su yalɛ’n, maan amun nuan sɛ su.

Sasafuɛ Tranwlɛ’n Zuɛn 1

“Yaci o, min waan ń úsa ɔ ngwlɛlɛ afɛ ndɛ cinnjin kpa kun su. [Fa fluwa’n i bue nsan su’n fa kle i yɛ fɛ i ɲin sie i ndɛ nga be lɔngɔ su lɛ’n be su.] ?Ndɛ benin yɛ ɔ nin wafa nga a bu Biblu’n be kɔ likawlɛ ɔ? [Maan sran’n tɛ kosan’n su.] Nian ndɛ nga Biblu’n bɔbɔ kan’n. [Kanngan Rɔmfuɛ Mun 15:4 nun.] Fluwa nga fa e ɲin sie i sa nnun mɔ maan e kwla se kɛ Biblu’n ti i liɛ ngunmin’n, be su. Asa, ɔ kle e like nga ɔ fata kɛ e yo naan y’a ɲan Biblu nun like suanlɛ i su ye’n.

Réveillez-vous ! Juin

“Afuɛ nuan kwlaa nun’n, sran miliɔn kpanngban be tɔ tukpaciɛ afin be diman aliɛ kpakpa. ?Ɔ klun’n, aliɛ nga e di i wa’n, i ngba yɛ ɔ ti kpa ɔ? [Maan sran’n tɛ kosan’n su.] Wafa nga e kwla sasa e awlobofuɛ mun aliɛ mɔ be kwla man be tukpaciɛ’n be lika’n, fluwa nga kɛn i ndɛ. Asa ekun’n, nda nga be tɛli i Biblu’n nun kɛ ɔ cɛ kan’n, sran’m be kwlaa bé ɲán aliɛ kpakpa bé dí’n, fluwa kunngba’n kɛn i ndɛ wie.” Kanngan Jue Mun 104:14, 15 nun.