Ajalɛ nga e kwla fa’n

E bo sran’m be Biblu’n nun like klelɛ bo, Sɛptamblu i Fue cɛn klikli’n nun

“Sran kpanngban be lafi abonuan sa’m be su. Wie’m be kusu be wunman ajalɛ nga be ko fa ɔ. ?A bu i kɛ abonuan sa’m be juli sakpa? [Maan sran’n tɛ kosan’n su.] Nian ndɛ nga be klɛli i wa’n.” Fa Sɛptamblu 1 Sasafuɛ Tranwlɛ’n man sran’n. I sin’n, ndɛ ng’ɔ o i bue 5 su’n, maan amun koko su yalɛ naan amun kanngan Biblu’n nun ndɛ mma kun nun. Kpɛkun fa Sasafuɛ Tranwlɛ’n nin Réveillez-vous ! man sran’n yɛ cɛn nga amún kókó kosan uflɛ ng’ɔ su i su’n i su yalɛ’n, maan amun nuan sɛ su.

Sasafuɛ Tranwlɛ’n Sɛptamblu 1

“Sran kpanngban be lafi abonuan sa’m be su. Wie’m be kusu be wunman ajalɛ nga be ko fa ɔ. ?A bu i kɛ abonuan sa’m be juli sakpa? [Maan sran’n tɛ kosan’n su.] E ɲrun lɔ abonuan sa dan kpa ɔ́ wá jú’n, i sɔ’n cici sran sunman be wla. [Kanngan Biblu’n nun ndɛ mma nga be o bue 7 su be nun.] Fluwa nga ɔ o yɛ’n ɔ tɛ abonuan sa’m be su kosan nsan mɔ sran’m be tɛ i usa’n be su.”

Réveillez-vous ! Septembre

“Sran wie mun be waan cɛn wie lele’n asiɛ’n sáci. Be waan ɔ kwla yo ɲanmiɛn su lɔ yɛbuɛ dan kun yɛ ɔ́ wá fín asiɛ’n i kekle kpa, annzɛ lika m’ɔ jɔ annzɛ ɔ lo tratra su’n, annzɛ kusu bɔmbu sroesroe wie yɛ sran’m bé fá kún alɛ yɛ asiɛ’n sáci ɔ. ?A bu i kɛ ndɛ sɔ’m be ti nanwlɛ? [Maan sran’n tɛ kosan’n su.] Biblu’n nun’n, Ɲanmiɛn ta nda kun m’ɔ gua e awlɛn su nzue ɔ. I yɛ ɔ o yɛ. [Kanngan Jue Mun 37:29 nun.] Ninnge nga sran wie’m be waan ɔ́ wá jú asiɛ’n su’n nin ndɛ nga Biblu’n kɛn i e ɲrun lɔ sa’m be su’n yɛ fluwa nga fa e ɲin sie su ɔ.”