Ajalɛ nga e kwla fa’n

E bo sran’m be Biblu’n nun like klelɛ bo, Utu i Fue cɛn klikli’n nun

“E kwlaa e osufuɛ annzɛ e janvuɛ w’a wu le. ?A lafi su kɛ á wún be ekun? [Maan sran’n tɛ kosan’n su.] Nian, fɔnvɔlɛ ndɛ kun yɛ.” Amun nin sran’n be kanngan ndɛ kpɔlɛ nga be o Sasafuɛ Tranwlɛ’n fluwa Zuie 1, i bue 22-23 i ndɛ ce klikli’n i bo lɛ’n be nun. Yɛ Biblu’n nun ndɛ mma nga be klɛli i lɛ’n kusu’n, an kanngan be nun kun nun wie. Fa Sasafuɛ Tranwlɛ’n nin Réveillez-vous ! mɛn i. Kpɛkun cɛn nga amún kókó kosan’n i nɲɔn su’n i su yalɛ’n, maan amun nuan sɛ su.

Sasafuɛ Tranwlɛ’n Zuie 1

“E nun sunman e kpli kpa naan y’a ɲan e nuan nun like y’a di. Wie’m be bɔbɔ be ɲanman be nuan nun like naan b’a di. ?A bu i kɛ cɛn wie lele yalɛ dilɛ’n wíe? [Maan sran’n tɛ kosan’n su. I sin’n, kanngan Jue Mun 9:19 nun.] Periodiki nga kan like nga ti yɛ sran’m be di yalɛ’n i ndɛ. Kpɛkun like nga mɔ maan yalɛ’n su tranman lɛ kun’n, Biblu’n kɛn i ndɛ wie.”

Réveillez-vous ! Juillet

Kan sa kun m’ɔ juli koko nun wa’n i ndɛ. Kpɛkun se kɛ: “?Ɔ klun’n, ngue ti yɛ Ɲanmiɛn yaci sa kɛ ngalɛ sa’m be lɛ mɔ be ju ɔ? [Maan sran’n tɛ kosan’n su.] Biblu’n se kɛ Ɲanmiɛn si ɲrɛnnɛnfuɛ’m be aunnvuɛ. [Kanngan Ezipt Lɔ Tulɛ 3:7 nun.] Asa ekun like nga ti yɛ Ɲanmiɛn yaci ɲrɛnnɛn’n lɛ’n, Biblu’n kan kle e. Kpɛkun ɔ se e kɛ ɔ ka kaan sa’n, Ɲanmiɛn wá núnnún ɲrɛnnɛn’n mlɔnmlɔnmlɔn. Fluwa nga yiyi i sɔ ndɛ’n nun.”