Maan e nin e awlobo’n e fa e ɛntɛnɛti adrɛsi’n e suan like
Amun kanngan periodiki uflɛuflɛ’m be nun ɛntɛnɛti su: Kwlaa naan y’a ɲan Sasafuɛ Tranwlɛ’n nin Réveillez-vous ! e asɔnun’m be nun’n, be dun mmua fite ɛntɛnɛti su. Maan e ko kanngan be nun. E kwla tie be kannganlɛ’n wie kusu.—An tin “ Pubications/Revues ” be su.
An kanngan ndɛ nga be fite ɛntɛnɛti nun ngunmin’n: Ndɛ wie’m be o lɛ’n, ɛntɛnɛti nun ngunmin yɛ be fite ɔ. Be nun wie yɛle “ Comptines bibliques ”, ɔ nin “ Le coin des familles ”, ɔ nin “ Pour nos jeunes lecteurs ” ɔ nin “ Les jeunes s’interrogent. ” Sɛ amun ngunmin an su suan like’n, annzɛ amun nin amun awlobo’n yɛ amun su suan’n, amun tin “ La Bible et vous/Enfants ” annzɛ “ La Bible et vous/Adolescents ” be su.
An kanngan aniaan’m be su ndɛ uflɛuflɛ mun: Jasin fɛ’n bolɛ nun ndɛ fɛfɛ nin sa nga jasin bofuɛ wie’m be yoli m’ɔ wla fanngan’n, amun kanngan be. Yɛ video mɔ be kle kɛ e junman’n di kpa mɛn wunmuan’n nun’n, amun nian be. Jasin wie’m be kan ɲrɛnnɛn sa, ɔ nin yalɛ mɔ be kle e niaan wie mun’n, be ndɛ. I sɔ jasin’m be ti’n, e kwla bu e niaan’m be akunndan e srɛlɛ’n nun. (Zak 5:16)—An tin “ Actualités ” su.
An fa Bibliothèque en Ligne be di junman: Sɛ amun ɔrdinatɛli annzɛ amun selilɛli’n kwla tike i sɔ lika’n, amun tike naan amun kanngan fluwa Maan e nian Ɲanmiɛn Ndɛ’n nun cɛn kwlaa nun. Annzɛ kusu amun fa kunndɛ ndɛ wie’m be bo tulɛ’n fluwa nga b’a fite uflɛ’m be nun.—An tin “ Publications/Bibliothèque en ligne ” su, annzɛ an klɛ www.wol.jw.org i klɛwlɛ lika’n nun.
[Ninnge’m be jajalɛ, bue 4]
(An nian fluwa bɔbɔ ba’n su)
An yo nian
1 An tin foto’n annzɛ “ Télécharge ” su. Amún wún kɛ foto’m bé fíte. An kwla trɛ i fa sie i fluwa su naan amun a fa kle amun mma’m be like.
2 An tin “ Vidéo ” su naan amun nian.