Maan e fa ɛntɛnɛti’n e bo jasin fɛ’n
Maan e bo su kle sran mun: Sran wie’m be o lɛ’n, be kunndɛman kɛ be nin é kókó yalɛ annzɛ e man be fluwa. Sanngɛ be kɔ ɛntɛnɛti su be ko kanngan e fluwa’m be nun, annzɛ be kunndɛ Zoova i Lalofuɛ’m be su ndɛ ɛntɛnɛti adrɛsi jw.org su. Sɛ ɔ nin i fata’n, maan e kan adrɛsi sɔ’n i ndɛ e kle be.
Maan e fa tɛ kosan’m be su: Wie liɛ’n, sran wie mɔ e to i jasin fɛ’n bolɛ nun i awlo lɔ’n, annzɛ sran wie mɔ Biblu’n nun ndɛ’n lo i’n, annzɛ kusu e sifuɛ wie’m be usa Zoova i Lalofuɛ’m be su kosan annzɛ like nga be lafi su’n i su kosan. Sɛ amun selilɛli’n fa ɛntɛnɛti’n, yɛ sɛ kusu sran’n i ɔrdinatɛli’n fa ɛntɛnɛti’n, an fa tɛ kosan’n su be ja nun lɛ. Sɛ be klɛli Biblu’n nun ndɛ mma wie nun’n, an fa Biblu’n naan an kanngan. Sɛ amun selilɛli’n faman ɛntɛnɛti’n, amun se sran’n kɛ ɔ ko tike jw.org naan i bɔbɔ wun i kosan’m be su tɛlɛ mun.—An tin “ La Bible et vous/Questions bibliques annzɛ Qui sommes nous?/Questions fréquentes ” su.
An fa ndɛ wie annzɛ fluwa ko man sran uflɛ ɛntɛnɛti su: Amun kwla fa ndɛ wie i PDF annzɛ EPUB be fa ko man sran uflɛ ɛntɛnɛti su. Annzɛ kusu fluwa nga be tie i kannganlɛ’n, an kwla fa sie i CD su ko man sran’n. Sran kwlaa nga be nin a yomɛn i batɛmu mɔ e fa fluwa wunmuan kun ɛntɛnɛti su e ko mɛn i’n, maan e klɛ wla e rapɔru’n nun. Like kwlaa nga é fá kó mán sran kun’n, man e klɛ e dunman’n e sie su. Nán maan e fa ninnge kpanngban e ko man sran. Asa’n, ɔ fataman kɛ e fa like e sie i anuannzɛ uflɛ i ɛntɛnɛti lika nun lɔ.—An tin “ Publications ” su.
An fa Zoova i Lalofuɛ’m be su ndɛ uflɛuflɛ mun kle: Sɛ amun yo sɔ’n, Biblu’n nun like suanfuɛ mun nin sran nga an bo jasin kle be’n, be kwla wun i wlɛ kɛ e bo ti kun naan e bo jasin fɛ’n i mɛn wunmuan’n nun. (Jue. 133:1)—An tin “ Actualités ” su.
[Ninnge’m be jajalɛ, bue 5]
(An nian fluwa bɔbɔ ba’n su)
An yo nian
1 An tin “Fluwa mun” su naan amun tra ninnge nga amun kunndɛ kɛ amún fá kó mán sran’n be sie i fluwa su. Annzɛ amun fɛ i tielɛ’n.
2 Sɛ amun tin MP3 su’n, ndɛ’m bé fíte. I sin’n, amun tin ndɛ nga amun klo kɛ amún fá’n su annzɛ sɛ amun kunndɛ kɛ amún ká lɛ tíe’n, an tin like nga ▸ su.
3 Sɛ amun kunndɛ kɛ amún tíe ndɛ’n i aniɛn uflɛ nun’n, amun tin aniɛn sɔ’n su.