Maan e fa flimu nga anuannzɛ’n yili be’n e kle like
Kɛ Zoova kán ndɛ cinnjin wie mun klé Abraamu nin Zeremi’n, ɔ fali ninnge nga be wun be’n kleli be naan b’a wun i ndɛ’n i wlɛ kpa. (Bob. 15:5; Zer. 18:1-6) E kusu e kwla fa flimu nga anuannzɛ’n yili be’n, e uka be nga e kle be Biblu’n nun like’n. I liɛ’n bé wún Biblu’n nun ndɛ nanwlɛ’n i wlɛ, yɛ ye nga be kwla ɲɛn i i su falɛ’n nun’n bé wún i wlɛ wie. Ajalɛ nga be lɔngɔ su yɛ’n, be kle e blɛ nga e kwla fa like suanfuɛ’n i ɲin sie i flimu sɔ’m be su’n. Kɛ mɔ Biblu’n nun like suanfuɛ’m be ti fanunfanun’n ti’n ɔ nunman nun kɛ e nanti ajalɛ sɔ’m be su kɛ mmla sa.
Fluwa Biblu’n kle
◻ Ndɛ tre 1: Kɛ e ko wie ndɛ kpɔlɛ 17 i nun like suan’n, flimu nga e kwla nian’n yɛ: Les merveilles de la création révèlent la gloire de Dieu.
◻ Ndɛ tre 2: Kɛ e ju i awieliɛ’n, flimu nga e kwla nian’n yɛ: La Bible : le livre le plus ancien toujours d’actualité.
◻ Ndɛ tre 9: Kɛ e ko wie ndɛ kpɔlɛ 14 i nun like suan’n, flimu nga e kwla nian’n yɛ: Les Témoins de Jéhovah : organisés pour proclamer la bonne nouvelle.
◻ Ndɛ tre 14: Kɛ e ju i awieliɛ’n, flimu nga e kwla nian’n yɛ: La Bible : une force dans votre vie.
◻ Ndɛ tre 15: Kɛ e ko wie ndɛ kpɔlɛ 10 i nun like suan’n, flimu nga e kwla nian’n yɛ: Toute la communauté des frères.
Fluwa ‘Ɲanmiɛn klo e’n’
◻ Ndɛ tre 3: Kɛ e ko wie ndɛ kpɔlɛ 15 i nun like suan’n, flimu nga e kwla nian’n yɛ: Les jeunes s’interrogent... Comment se faire de vrais amis ?
◻ Ndɛ tre 4: Kɛ e ju i awieliɛ’n, flimu nga e kwla nian’n yɛ: Respectons l’autorité de Jéhovah.
◻ Ndɛ tre 7: Kɛ e ko wie ndɛ kpɔlɛ 12 i nun like suan’n, flimu nga e kwla nian’n yɛ: Pas de sang — La médecine relève le défi.
◻ Ndɛ tre 9: Kɛ e ko wie ndɛ kpɔlɛ 6 i nun like suan’n, flimu nga e kwla nian’n yɛ: Des exemples qui nous servent d’avertissement.
◻ Ndɛ tre 17: Kɛ e ju i awieliɛ’n, flimu nga e kwla nian’n yɛ: Marchons par la foi, non par la vue.
Flimu uflɛ wie ekun be o lɛ mɔ e kwla fa uka Biblu’n nun like suanfuɛ mun ɔn. I wie yɛle kɛ sɛ sran wie’m be su tanndan Biblu’n nun like suanfuɛ kun ɲrun’n, e kwla fa flimu nga mun e wlɛ i fanngan: Fidèles dans les épreuves : les Témoins de Jéhovah en Union soviétique ɔ nin La fermeté des Témoins de Jéhovah face à la persécution nazie. Gbanflɛn nin talua’m be liɛ’n, flimu nga be flɛ i Poursuivez des objectifs qui honorent Dieu ɔ nin Les jeunes s’interrogent... Que vais-je faire de ma vie ? be kwla uka be kpa. Blɛ nga amun sunnzun kɛ amun nin amun like suanfuɛ’m bé nían anuannzɛ’n i flimu wie’n, annzɛ amún fá mán be naan be nian’n, amun klɛ i amun fluwa Biblu’n kle ɔ nin ‘Ɲanmiɛn klo e’n’ nun sie. Sɛ anuannzɛ’n yi flimu uflɛuflɛ wie’n, amun bu wafa nga amun kwla fa uka Biblu’n nun like suanfuɛ mun’n i akunndan.—Lik 24:32.