Maan e bo jasin fɛ’n i kpa tra laa: Maan e suan e wiengu jasin bofuɛ’n i bo
?Ngue ti yɛ ɔ ti cinnjin ɔn? Zezi si kɛ, kɛ sran nɲɔn be bo jasin fɛ’n likawlɛ’n, i sɔ’n ti kpa dan. I ti yɛ kɛ ɔ́ súnmɛn i sɔnnzɔnfuɛ’m be nun 70 kɛ be dun mmua i ɲrun be ko bo jasin fɛ’n, ɔ siesieli be nɲɔnnɲɔn’n niɔn. (Lik 10:1) Sɛ ndɛ’n i kanlɛ’n mian jasin bofuɛ kun i sa’n, annzɛ sɛ ɔ wunman kosan wie i su tɛwlɛ’n, i wiengu kun’n kwla ukɛ i. (Aku. 4:9, 10) Sɛ i sa w’a tɔ jasin fɛ’n i bolɛ nun kpa’n, ɔ ju wie’n ɔ kwla man i wiengu kun’n i afɔtuɛ wie mun naan i kusu w’a si junman’n i di kpa wie. (Nya. 27:17) Asa ekun’n, kɛ bé kɔ́ awlo uflɛ nun’n, ɔ nin i wiengu kun’n be kwla koko yalɛ naan ɔ wlɛ i fanngan.—Fil. 4:8.
Anglo nga nun’n, maan e yo nga e nian:
Kɛ e nin aniaan kun e wie jasin fɛ’n i bo’n, maan e bo ndɛ wie m’ɔ kannin annzɛ like wie m’ɔ yoli’n fa ukali e’n i su e kle i.