Ajalɛ nga e kwla fa’n

E bo Biblu’n nun like klelɛ bo Zuɛn i Fue cɛn klikli’n nun

“E bali amun osu nianlɛ naan e koko ndɛ cinnjin kpa kun su yalɛ. [Fa kosan klikli ng’ɔ o Zuɛn i le 1 Sasafuɛ Tranwlɛ’n i sin bui’n su’n kle i.] ?Sɛ be fa kosan nga be usa wɔ’n, á tɛ́ su sɛ?” Maan sran’n tɛ kosan’n su. Amun koko ndɛ ng’ɔ o kosan klikli’n i bo lɛ’n su yalɛ. Biblu’n nun ndɛ mma nga be klɛ lɛ’n, an kanngan be nun wie mun annzɛ kun nun. I sin’n, fa fluwa’n man sran’n, kpɛkun cɛn nga amún kókó kosan uflɛ su yalɛ’n, maan amun nuan sɛ su.

Sasafuɛ Tranwlɛ’n Zuɛn 1

“Siklɛti nɔnlɛ’n ti’n, sran ko ju 6.000.000 be wu afuɛ kwlaa. ?Ngue yɛ ɔ kwla uka sran mun naan b’a yaci siklɛti nɔnlɛ’n niɔn? [Maan sran’n tɛ kosan’n su.] Wafa nga Ɲanmiɛn bu siklɛti nɔnlɛ’n, kɛ sran kpanngban be wunnin i wlɛ’n, b’a kanman siklɛti’n i mlɔnmlɔn annzɛ be yacili i nɔnlɛ. Sran wie’m be si kɛ sran ng’ɔ nɔn siklɛti’n ɔ yo i wiengu’m be tɛ. Ɔ maan kɛ be buli Biblu’n nun ndɛ mma nga i akunndan’n, i sɔ’n ukali be. [Kanngan 1 Korɛntfuɛ Mun 10:24 nun.] Fluwa nga kle kɛ sɛ sran kun si kɛ Ɲanmiɛn kloman siklɛti nɔnlɛ’n, i sɔ’n kwla ukɛ i naan w’a yaci i nɔnlɛ.”

Réveillez-vous ! Juin

“Andɛ’n, sran’m be kwla tra janvuɛ kpanngban ɛntɛnɛti su. ?Ɔ liɛ’n, nzuɛn cinnjin kpa benin yɛ ɔ fata kɛ ɔ janvuɛ kpa kun ɲɛn i ɔ? [Maan sran’n tɛ kosan’n su.] Biblu’n man janvuɛ tralɛ’n i su afɔtuɛ cinnjin kun. [Kanngan Zak 1:19 nun.] Periodiki nga kle e mmla nnan. Sɛ e nanti be su’n, sran’m bé kúnndɛ kpa kɛ e yo be janvuɛ.”