Ajalɛ nga e kwla fa’n

E bo Biblu’n nun like klelɛ bo Zuie i Fue cɛn klikli’n nun

“?Kɛ a niɛn i sa’n, srɛlɛ nga e srɛ Ɲanmiɛn’n, ɔ bu i like dan annzɛ ɔ bumɛn i like dan?” Maan sran’n tɛ kosan’n su. Fa ndɛ ng’ɔ o Zuie 1 Sasafuɛ Tranwlɛ’n i sin bui’n su’n kle sran’n naan ndɛ ng’ɔ o kosan klikli’n i bo lɛ’n, amun koko su yalɛ. I sin’n, fa fluwa’n man sran’n, kpɛkun cɛn nga amún kókó kosan uflɛ su yalɛ’n, maan amun nuan sɛ su.

Sasafuɛ Tranwlɛ’n Zuie 1

“Kɛ mɔ Ɲanmiɛn kwla like kwlaa yo ti’n, a bu i kɛ i yɛ maan sa tɛtɛ’m be ju mɛn’n nun ɔn? [Maan sran’n tɛ kosan’n su. I sin’n kanngan Zak 1:13 nun.] Sa nga ti yɛ sa tɛtɛ’m be ju mɛn’n nun’n, ɔ nin like nga Ɲanmiɛn wá yó naan y’a fɛman kun’n, fluwa nga kan be ndɛ.”

Réveillez-vous ! Juillet

“E si kɛ sa yalɛ wie kwla tɔ e su. I wie yɛle kɛ e kwla tɔ tukpacɛ annzɛ e awlɛn su sran wie kwla wu. ?Kɛ i sɔ sa liɛ’m be tɔ e su’n, ngue ti yɛ ɔ fataman kɛ e wla bo e wun ɔn? [Maan sran’n tɛ kosan’n su] Sran kpanngban be wunnin i wlɛ kɛ, kɛ kekle tɔ be su’n, Biblu’n uka be kpa. [Kanngan Rɔmfuɛ Mun 15:4 nun.] Wafa nga Biblu’n kwla uka e blɛ kekle nun’n, fluwa nga yiyi nun.”