Ajalɛ nga e kwla fa’n
E bo Biblu’n nun like klelɛ bo Zuie i Fue cɛn klikli’n nun
“Sran’m be dan lika be kunndɛ kɛ bé trán nguan nun cɛ́ kpa naan bé dí aklunjuɛ. ?Ɔ klun’n, cɛn wie lele’n, siansifuɛ mun nin dɔɔtrɔfuɛ mun bé kwlá yó naan klɔ sran’m b’a tran nguan nun tititi? [Maan sran’n tɛ kosan’n su.] Nian ndɛ nga be klɛli i wa’n.” Fa ndɛ ng’ɔ o Zuie 1 Sasafuɛ Tranwlɛ’n i sin bui’n su’n kle sran’n naan amun koko ndɛ ng’ɔ o kosan klikli’n i bo lɛ’n i su yalɛ. Biblu’n nun ndɛ mma nga be klɛli be lɛ’n, an kanngan be nun wie mun annzɛ kun nun. I sin’n, fa periodiki mun man sran’n, kpɛkun cɛn nga amún kókó kosan uflɛ su yalɛ’n, maan amun nuan sɛ su.
Ndɛ nanndoliɛ: Jasin fɛ’n bolɛ aɲia nga bé yó i Zuie i le 6 su’n i bo’n, maan be yi ajalɛ nga i nglo.
Sasafuɛ Tranwlɛ’n Zuie 1
“Sran’m be nun sunman be le be Ɲanmiɛn sulɛ wafa liɛ. Sanngɛ wie’m be waan be ndɛ nunman Ɲanmiɛn sulɛ wafa’m be ndɛ nun kun. ?Yɛ ɔ li, wafa sɛ yɛ a bu Ɲanmiɛn sulɛ wafa mun ɔn? [Maan sran’n tɛ kosan’n su.] Sɛ Ɲanmiɛn sulɛ wafa kun ti su annzɛ ɔ timan su’n, Zezi kleli wafa nga e kwla wun i wlɛ’n. [Kanngan Lik 6:44a nun.] Ninnge wie mɔ Ɲanmiɛn sulɛ wafa’m be yo mɔ be ti kɛ waka mma tɛtɛ sa’n, fluwa nga kɛn i ndɛ. Asa kusu’n, ɔ tɛ kosan nga su. Yɛle kɛ: ?Ɲanmiɛn sulɛ wafa kun o lɛ m’ɔ ti kpa ɔ?”
Réveillez-vous ! Juillet
“E bali kɛ e nin amun é kókó sran lufle bulɛ’n i su yalɛ. Sran wie’m be liɛ’n be bo i ndolo lika kwlaa naan sran’m be yaci i sɔ yolɛ. ?Kɛ a niɛn i sa’n, i sɔ’n kwla yo naan sran b’a yaci be wiengu’m be lufle bulɛ? [Maan sran’n tɛ kosan’n su.] Like ng’ɔ́ yó naan sran lufle bulɛ’n w’a wie mlɔnmlɔn’n Biblu’n kɛn i ndɛ. Nian ndɛ nga be kɛn i wa’n. [Kanngan Matie 6:9, 10 nun.] Fluwa nga tɛ kosan nga su. Yɛle kɛ: ?Sɛ e bo i ndolo e sin kɛ sran’m be yaci be wiengu lufle bulɛ’n, i sɔ’n kwla yo sa ye?”
Jasin fɛ kpa kun fin Ɲanmiɛn!
“Sran nga e nin be e kokoli yalɛ’n be nun sunman be usa be wun kɛ ngue ti yɛ Ɲanmiɛn m’ɔ ti sran klofuɛ’n ɔ yaci sran’m be lɛ mɔ be wun ɲrɛnnɛn ɔn. ?Ɔ klun’n, Ɲanmiɛn sunnzunnin kɛ ɲrɛnnɛn’n tran asiɛ’n su?” Maan sran’n tɛ kosan’n su. Fa sran’n i ɲin sie i like suanlɛ 5 su, kpɛkun maan amun koko ndɛ kpɔlɛ nɲɔn klikli mun ɔ nin Biblu’n nun ndɛ mma nga be klɛli be wun ‘kanngan nun’n’ be su yalɛ. Fa fluwa’n mɛn i, kpɛkun cɛn nga amún kó kókó kosan ng’ɔ su i su’n i su yalɛ’n, maan amun nuan sɛ su.