“N kɔ i awlo lɔ’n, n tomɛn i kun!”

?Wan yɛ ɔ nin a kanman sɔ le ɔ? Ɔ ju wie’n, kannzɛ e sin sran’n i awlo lɔ kpɛ sunman bɔbɔ’n, sanngɛ e tomɛn i kun. Ɔ maan Ɲanmiɛn ndɛ’n m’ɔ ti kɛ waka mma yɛ e luali sa’n, e kwlá guaman su nzue kun. (1 Kor. 3:6) Jasin bofuɛ nga be sa w’a tɔ jasin fɛ’n bolɛ’n nun’n, be fa ajalɛ fanunfanun mun naan b’a kwla wun sran’n ekun. I wie yɛle kɛ be klɛ fluwa be fa sie i i anuan’n i bo. Jasin bofuɛ wie’m be liɛ’n, kɛ be ko to sran kun’n, be fɛ i telefɔnu nimielo’n. Kpɛkun wie liɛ’n, be usɛ i kɛ: “?Be kwla klɛ ndɛ blɛ ɔ telefɔnu nun?” Sɛ e klɛli sran’n i fluwa ɛntɛnɛti su, annzɛ telefɔnu nun, annzɛ sɛ e yacili fluwa kun i anuan’n bo annzɛ e flɛli i telefɔnu nun’n, e kwla klɛ i e rapɔru’n su kɛ e ko niɛnnin i osu. Ɔ maan kannzɛ e toman sran’n i awlo kun’n, sanngɛ e kwla ukɛ i naan w’a yaciman Ɲanmiɛn ndɛ’n i suanlɛ.