Maan e bo jasin fɛ’n i kpa tra laa: Mannzin nga sran’m be fa ta be anuan’n i nvɛnwun mɔ be ijɔ nun’n, maan e ijɔ nun e bo jasin fɛ’n

?Ngue ti yɛ ɔ ti cinnjin ɔn? Awlo wie’m be nun’n, be fa mannzin kun mɔ be kwla ijɔ nun’n, be tɛ i be anuan’n i nvɛnwun. Nanwlɛ, sɛ é bó jasin fɛ’n naan e ko fite i sɔ awlo’n su’n, kɛ ɔ yo naan e ijɔ mannzin sɔ’n nun e bo jasin fɛ’n, ɔ kwla yo e kɛnsrɛn. ?Sanngɛ é yó sɛ naan y’a kwla yo i sɔ liɛ’n? Sran wie’m be o lɛ’n, sɛ w’a yoman kɛ mannzin sɔ’n nun sa’n, e su kwlá boman jasin fɛ’n e kleman be le. (Rɔm. 10:14) Sa wie’m be kle kɛ sɛ e ijɔ mannzin sɔ’n nun e bo jasin fɛ’n, i bo kwla gua kpa. (An nian Annuaire 2011 i bue 65-66, ɔ nin Annuaire 2000 i bue 54 § 3 be nun.) Maan e nanti afɔtuɛ yɛ’m be su.