Maan e tu e klun e wla e wiengu’m be fanngan naan be yo sran ye

Ebre Mun 10:24 se e kɛ “e bu e wiengu’m be akunndan e wla be fanngan naan be klo be wun yɛ be yo sran ye.” I sɔ yolɛ nun’n, maan e kle e niaan’m be ajalɛ kpa, yɛ e kan ndɛ ng’ɔ kwla wla be fanngan’n. Sɛ e wunnin ndɛ fɛ wie’n, maan e bo su e kle e niaan mun. Maan be wun kɛ e su Zoova aklunjuɛ su. Sanngɛ kusu nán maan e fa junman nga be di’n, e sunnzun e liɛ’n, annzɛ sran uflɛ liɛ’n. (Ga 6:4) Blɛ kwlaa nga e ɲɛn i wun atin’n, maan e wla aniaan’m be fanngan naan “be klo be wun yɛ be yo sran ye.” Nán maan e mianmian be. (An nian e afɔtuɛ manlɛ fluwa’n i bue 158, ndɛ kpɔlɛ 4 nun.) Sɛ e yo sɔ’n, aniaan’m bé yó sa kpa. Yɛle kɛ bé bó jasin fɛ’n titi, yɛ bé yó sran ye.​—2 Kor. 1:24.