Maan e bo jasin fɛ’n i kpa tra laa: E bo jasin fɛ’n e kle be nga be kan aniɛn uflɛ’n

?Ngue ti yɛ ɔ ti cinnjin ɔn? Zoova kunndɛ kɛ “nvlenvle kwlaa nun’n” sran’m be su i. (Yol. 10:34, 35) I sɔ’n ti’n, Zezi seli kɛ bé wá bó jasin fɛ’n “mɛn wunmuan’n nun” naan “sran’n kwlaa be ti.” (Mat. 24:14) Asa ekun’n, Ɲanmiɛn nuan ijɔfuɛ Zakari seli kɛ sran mɔ “be aniɛn’n ti ngunminngunmin’n” bé wá sɔ́ jasin fɛ’n sɔ’n nun klanman. (Zkr. 8:23) Aolia nun’n, akoto Zan kusu wunnin kɛ be nga bé fín afɛ dan nun bé fíte’n, be fin “mɛnmɛn’n kwlaa nin nvle-nvle’n kwlaa nun, sran wafa-wafa’n kwlaa o be nun, be ijɔ aniɛn wafawafa’n kwlaa.” (Ngl. 7:9, 13, 14) I kwlaa sɔ’n kle kɛ, kɛ é bó jasin fɛ’n, sɛ e to sran kun m’ɔ kan aniɛn uflɛ’n, ɔ fata kɛ e mian e ɲin e bo jasin fɛ’n e kle i.