Be fali ajalɛ wie mun naan e kwla bo jasin fɛ’n e kle sran kwlaa

Zoova siesieli Izraɛlifuɛ mun akpasuaakpasua. I wafa kunngba’n andɛ’n Zoova siesie i sufuɛ mun akpasuaakpasua naan be yo i klun sa’n. Betɛli’m be nun’n, nin asɔnun akpasuaakpasua’m be nun’n ɔ nin asɔnun’m be nun’n aniaan’m be kwlaa be di junman likawlɛ naan b’a kwla bo jasin fɛ’n b’a kle sran mun mɛn wunmuan’n nun. Kannzɛ sran’m be kan aniɛn fanunfanun’n sanngɛ e bo jasin fɛ’n e kle be kwlaa.​—Ngl 14:6, 7.

?Amun kwla suan aniɛn uflɛ naan amun a uka sran uflɛ naan w’a si ndɛ nanwlɛ’n? Kannzɛ bɔbɔ e leman blɛ kaka naan y’a suan aniɛn uflɛ’n, sanngɛ e kwla fa JW Language e suan wafa nga e kwla bo jasin fɛ’n e kle sran mun’n. Sɛ e yo sɔ’n, e wun yó e kɛ nga Klisifuɛ klikli’m be wun fa yoli be’n sa. Be dili aklunjuɛ dan afin be kwla kannin “ninnge nga Ɲanmiɛn yoli be’n” be ndɛ kleli sran mun be klɔ aniɛn’n nun.​—Yol 2:7-11.

AN NIAN VIDEO NGA BE FLƐ I KƐ KACI ZOOVA I JANVUƐ: BO JASIN FƐ’N ANIƐN UFLƐ NUN (PRÊCHE DANS UNE AUTRE LANGUE) I SIN’N, AN TƐ KOSAN NGA’M BE SU:

• 

  ?Blɛ benin nun yɛ e kwla fa JW Language e di junman-ɔn?

• 

  ?Ninnge benin wie mun yɛ e kwla fa JW Language e yo-ɔ?

• 

  ?Amun jasin bowlɛ nun lɔ’n aniɛn benin yɛ sran’m be kan-ɔn?

• ?Sɛ ndɛ nanwlɛ’n lo sran kun naan ɔ kan aniɛn uflɛ’n, ngue yɛ ɔ fata kɛ e yo-ɔ?​—od-F 100-101 § 39-41