Maan e bo jasin fɛ’n kle e jasin bowlɛ nunfuɛ’m be kwlaa

?NGUE TI YƐ Ɔ TI CINNJIN-ƆN? Zakari boli i jɔ kɛ sran wie mɔ be aniɛn’n ti ngunminngunmin’n, bé sɔ́ jasin fɛ’n nun klanman. (Zkr 8:23) ?Sanngɛ wan yɛ ɔ́ klé be like-ɔ? (Rɔ 10:13-15) Ɲanmiɛn fali junman cinnjin sɔ’n wlali e sa nun. Ɔ fata kɛ e bo jasin fɛ’n kle e jasin bowlɛ’n nun sran kwlaa.—od-F 84 § 10-11.

?WAFA SƐ YƐ É YÓ I SƆ-Ɔ?

• Siesie ɔ wun. ?Ɔ ju wie’n, a to be nga be kan aniɛn uflɛ? Sɛ ɔ ti sɔ’n, a kwla fa JW Language naan w’a suan wafa nga a kwla fa e fluwa’m be nun kun man be’n, be aniɛn’n nun’n. Annzɛ wafa bé yó naan b’a wun be aniɛn’n nun ndɛ wie mun ekun jw.org su’n, a kwla kle be ɔ ajulisu mannzin’n su.

• Fa ɔ ɲin sie i sa’m be su kpa. Kannzɛ a su bo jasin fɛ’n awloawlo’m be nun’n, nán maan ɔ ɲin kpa be nga be su sin’n, ɔ nin be nga be ti loto nun’n be su. Kɛ á bó jasin fɛ nzra nun’n, nán ɔ wla fi su kɛ jasin fɛ bolɛ’n ti yɛ a o lɛ-ɔ.

• Wla ɔ wun ase kpa kunndɛ sran mun. Be nga w’a toman be awlo’n, nán ɔ ɲin kpa be su. A kwla sa ɔ sin be awlo lɔ blɛ uflɛ nun, annzɛ cɛn uflɛ. Sran wie’m be liɛ’n, saan lɛtri yɛ á klɛ́ be, annzɛ á flɛ́ be telefɔnun nun, annzɛ akpɔ nuan yɛ á tó be, naan w’a kwla bo jasin’n w’a kle be-ɔ.

• Sran kwlaa ng’ɔ kle kɛ Ɲanmiɛn Ndɛ’n lo i’n, sa ɔ sin ko niɛn i osu ndɛndɛ. Sɛ ɔ kan aniɛn uflɛ’n, kunndɛ aniaan ng’ɔ si i aniɛn’n i kan’n naan ɔ ko ukɛ i. Kannzɛ a yo sɔ’n, sanngɛ a kwla ko niɛn i osu cɛn kunngun.—od-F 94 § 39-40

NIAN VIDEO E BO JASIN FƐ’N “LELE FA JU ASIƐ’N I AWIELIƐ”, KPƐKUN TƐ KOSAN NGA’M BE SU:

• 

  ?Be nga be o mmuammua kpa’n, wafa sɛ yɛ aniaan’m be siesieli be wun naan b’a ko bo jasin fɛ’n b’a kle be-ɔ? (1Ko 9:22, 23)

• 

  ?Ngue yɛ ɔ yoli kekle mannin aniaan mun-ɔn?

• 

  ?Suyralɛ benin yɛ be ɲɛnnin i-ɔ?

• ?Amun jasin bowlɛ nun lɔ’n, wafa sɛ yɛ amun kwla mian amun ɲin naan amun a bo jasin fɛ’n b’a kle sran kpanngban kpa ekun-ɔn?