?A lafi su kpa kɛ Zoova yía nda ng’ɔ tali be’n, be nuan?

Zozie nin Salomɔn be kɛnnin i kɛ Zoova yiɛli i nda kwlaa ng’ɔ tali’n, be nuan. (Zoz 23:14; 1Fa 8:56) Ndɛ nga lalofuɛ nanwlɛfuɛ nɲɔn sɔ’m be kannin’n yo maan e kwla lafi Ɲanmiɛn su kpa ekun. —2Ko 13:1; Tit 1:2.

?Wafa sɛ yɛ Zozie blɛ su’n, Zoova yiali nda ng’ɔ tali be’n, be nuan-ɔn? A nin ɔ awlobofuɛ’m be nian video ‘Kasiɛ wie fi nunman lɛ m’ɔ kali ngbɛn ɔn.’ I sin’n, an tɛ kosan nga’m be su: (1) ?Wafa sɛ yɛ amun kwla nian Raabu m’ɔ kleli kɛ ɔ lafi Ɲanmiɛn su’n, i ajalɛ’n su-ɔ? (Eb 11:31; Za 2:24-26) (2) ?Wafa sɛ yɛ Akan i wun ndɛ’n kle kɛ sɛ e ɲinfu e yo ɲin kekle’n i bo gúa tɛ́-ɔ? (3) ?Kannzɛ Gabaɔnfuɛ’m be si alɛ kun kpa’n, sanngɛ ngue ti yɛ be lakali Zozie kpɛkun be nin Izraɛlifuɛ’m be trali aenguɛ-ɔ? (4) ?Kɛ Amɔru famiɛn nnun be fali ndɛ wlali Izraɛlifuɛ’m be sin’n, wafa sɛ yɛ Zoova yiɛli i ndɛ’n i nuan-ɔn? (Zoz 10:5-14) (5) ?Kɛ a dun mmua fali ɔ wun mannin Ɲanmiɛn mɔ a dun mmua yoli i klun sa’n, wafa sɛ yɛ Zoova yiɛli i ndɛ’n i nuan ɔ lika-ɔ?—Mt 6:33.

Sɛ e bu ninnge nga Zoova w’a dun mmua w’a yo be’n, ɔ nin ng’ɔ su yo be’n, ɔ nin ng’ɔ́ wá yó be’n, be su akunndan’n, é láfi su kpa ekun kɛ ɔ́ yía nda ng’ɔ tali be’n, be nuan. —Rɔ 8:31, 32.