LIKE NGA KLISTFUƐ’M BE YO’N

Maan e bo jasin fɛ’n i kpa tra laa: Maan e ko nian sran’m be osu

?NGUE TI YƐ Ɔ TI CINNJIN-ƆN?: Be nga Ɲanmiɛn ndɛ’n ti be cinnjin’n be nun sunman be kunndɛ kɛ bé sí Ɲanmiɛn i su ndɛ nanwlɛ’n. (Eza 55:6) Ɔ maan ɔ fata kɛ e ko nian be osu tikatika naan y’a kwla kle be like blɛblɛblɛ. Sran’m be su sa’m be ti fanunfanun. Ɔ maan be ukalɛ wafa’n timan kun. Asa ekun’n, nán e wla fi su kɛ ng’ɔ ti cinnjin’n yɛle sran’m be Biblu’n nun like klelɛ. Sɛ e siesie e wun kpa naan e bu wafa nga e kwla uka sran nga é kó nían be osu’n i akunndan’n, e jasin bolɛ’n bá nvlɛ.

Aniaan bla kun su siesie i wun naan w’a ko nian sran’m be osu.

?WAFA SƐ YƐ É YÓ I SƆ-Ɔ?:

Aniaan bla nɲɔn b’a wɔ sran kun i osu nianlɛ yɛ be su bo video kun klé i.

Nán maan ɔ cɛ naan w’a ko nian sran’n i osu.—Mt 13:19
Maan ɔ ɲin yi i, yɛ a nin i be koko yalɛ kɛ sran kun nin i janvuɛ sa.
Yo i like aklunjuɛ su. Fɛ i dunman’n flɛ i. Sa nga ti yɛ a bali’n fa kpɛn i wla. Atrɛkpa’n a seli i kɛ á tɛ́ kosan kun su, annzɛ á blɛ́ i fluwa kun, annzɛ á klé i e ɛntɛnɛti adrɛsi’n, annzɛ á fá video kun klé i, annzɛ á klé i wafa nga e kle sran’m be Biblu’n nun like’n. Sɛ sran’n kan ndɛ uflɛ m’ɔ ti i cinnjin’n amun kwla koko su yalɛ.—Fil 2:4
Ndɛ nanwlɛ nga a luɛli i i awlɛn nun’n, gua su nzue. I sɔ yolɛ nun’n a kwla kanngan Biblu’n nun ndɛ mma kun nun kle i, annzɛ a kwla fa fluwa kun mɛn i. (1Ko 3:6) Yo maan ɔ wun yo i fɛ.
Like nga a ko yo naan w’a kwla ko niɛn i osu ekun’n, yo.