Maan e bo jasin fɛ’n i kpa tra laa: Maan e fa e ijɔlɛ e man sran mun naan y’a kwla bo jasin fɛ’n y’a kle be

Zezi fɛli i ijɔlɛ mannin Samari bla’n i ti yɛ ɔ kwla boli jasin’n fɛ’n kleli i-ɔ. ?Sɛ e nin be nga e siman be’n e o’n, é yó sɛ naan e nin be y’a bo yalɛ kokolɛ bo?

• E fa be kɛ e janvuɛ mun sa, yɛ e fa e ijɔlɛ e man be. Kannzɛ Zezi fɛli’n, ɔ fɛli i ijɔlɛ mannin bla’n. I yolɛ nun’n, ɔ srɛli bla’n i nzue. W’a ijɔman kaka. Ɔ maan e kwla yó sran’n i like aklunjuɛ su. I sin’n, e kwla kan wafa nga lika’n ti’n i ndɛ. Yɛle kɛ e kwla kan wia’n m’ɔ bo dan’n, annzɛ sa kun m’ɔ juli ɔ nin a cɛman’n i ndɛ. Nán e wla fi su kɛ, like klikli nga e kunndɛ’n, yɛle kɛ e nin sran’n é bó yalɛ kokolɛ bo. I sɔ’n ti’n, maan e kan like kwlaa nga i su yalɛ kokolɛ kwla yo sran’n i fɛ’n i ndɛ. Sɛ sran’n tɛman e su’n, ɔ timan tɛ. Maan e fa e ijɔlɛ’n man sran uflɛ. Yɛ maan e srɛ Zoova naan ɔ wla e yakpa.—Ne 2:4; Yo 4:29.

• Kɛ e nin sran mun é kókó yalɛ’n, maan e kunndɛ kɛ é bó jasin fɛ’n é klé be, sanngɛ nán e kpli. E yaci be nun naan be kan be klun ndɛ. Sɛ y’a yoman sɔ’n, ɔ cɛman naan b’a muan be nuan. Sɛ be nin e yaci yalɛ kokolɛ’n, kusu nn y’a kwlá boman jasin fɛ’n y’a kleman be’n, nán e sa sin bubu e. Sɛ jasin fɛ’n bolɛ’n i su fitilɛ kun e srɛ’n, maan e suan wafa nga e kwla fa e ijɔlɛ e man sran mun naan e nin be y’a koko yalɛ ngbɛn’n. [Bo video 1 yɛ an koko i su yalɛ.]

• Maan e kpɛ jasin fɛ’n bolɛ’n i wun atin. E kwla kan e Ɲanmiɛn sulafilɛ’n i ndɛ aklunjuɛ su, naan sran’n w’a usa e i su kosan. Zezi kannin ndɛ wie’m mɔ be yoli maan bla’n usali kosan-ɔn. Ɔ maan jasin fɛ ng’ɔ boli kleli bla’n, ɔ ti bla’n i kosan’m be su tɛlɛ. [Bo video 2 su’n yɛ an koko i su yalɛ. I sin’n, bo video 3 su’n yɛ an koko i su yalɛ.]